خالد الرشيدي
09-11-2008, 09:41 AM
هذه القصيده للشاعر / أحمد بن فهد العريفي يتغزل بحائل وبعد لا لا لا تلومونه
روحي بحايل ما تفارق جبلها=وحبي لها عيّا على كل الاوصاف
أفرش حصاها واتوسد سهلها=وأرقد بحضن جبال سلمى ولا اخاف
اسمح واراضيها واداري زعلها=واشتاق له شوق الطنايا للاضياف
او شوق سمر جبال حايل لاهلها=وجاوزت من حبي لها حد الاسراف
وعيني بأجا ما تسمع اللي عذلها=وخشوم سلمى مثل شذرات الاسياف
قصة غرام تراب حايل نقلها=تحكي على التالين من ما ضي الاسلاف
أجا تهضم عبرته واحتملها=ولا هي بعادة عبرة الحر تنشاف
وحوّل على سمر الجبال ونزلها=عن دار ذل عقب ما شاف ما عاف
وسلمى تغني له قصايد غزلها=على الوفا والود وسلوم الاشراف
وحاتم زرع عود الصخا في جبلها=وأوقد بشامخ ضلعها نار الاضياف
وعنتر على سلمى ركابه عقلها=وشحوا عليه عيال سلمى بالانكاف
دار بها الشلقان صاغوا مثلها=خويّهم شالوه من فوق الأكتاف
وقصة معشي الذيب محدٍ جهلها=يا من يعد الذيب من عرض الاضياف
وراع اللبون اللي علينا نزلها=ترعى لبونة بالقريّة والاكناف
مالوم من روحه لحايل بذلها=وأرخص لها قلب من الود ينلاف
روحي بحايل ما تفارق جبلها=وحبي لها عيّا على كل الاوصاف
أفرش حصاها واتوسد سهلها=وأرقد بحضن جبال سلمى ولا اخاف
اسمح واراضيها واداري زعلها=واشتاق له شوق الطنايا للاضياف
او شوق سمر جبال حايل لاهلها=وجاوزت من حبي لها حد الاسراف
وعيني بأجا ما تسمع اللي عذلها=وخشوم سلمى مثل شذرات الاسياف
قصة غرام تراب حايل نقلها=تحكي على التالين من ما ضي الاسلاف
أجا تهضم عبرته واحتملها=ولا هي بعادة عبرة الحر تنشاف
وحوّل على سمر الجبال ونزلها=عن دار ذل عقب ما شاف ما عاف
وسلمى تغني له قصايد غزلها=على الوفا والود وسلوم الاشراف
وحاتم زرع عود الصخا في جبلها=وأوقد بشامخ ضلعها نار الاضياف
وعنتر على سلمى ركابه عقلها=وشحوا عليه عيال سلمى بالانكاف
دار بها الشلقان صاغوا مثلها=خويّهم شالوه من فوق الأكتاف
وقصة معشي الذيب محدٍ جهلها=يا من يعد الذيب من عرض الاضياف
وراع اللبون اللي علينا نزلها=ترعى لبونة بالقريّة والاكناف
مالوم من روحه لحايل بذلها=وأرخص لها قلب من الود ينلاف