عبد الرحمن سند
11-12-2008, 10:59 AM
في مثل هذي الأيام يوم كان الناس يسافرون ويحجون ويروحون ويجون على ظهور الركائب " المطايا " عطايا الرحمن . الأبل مو مثل هذي الأيام على جموس وشفرات وباصات .
في مثل هذي الأيام يوم كل حاج نوى أنه يغادر لدياره وأهلة وناسه وربعه .
وقف هاك الشاب وعن يمينه تقف أخته . وكان حينها الناس ما تعرف الغطوه ولا البرقع .ووجهها مكشوف . وعن يساره تقف بكرته وخطامها " والخطام للي ما يعرفه . هو الحبل اللي تنقاد به الذلول " بيده الشمال .
ولأنه راعي ذود وأبل ومطايا " وبعارين " جمع بعير.
وقف يتأمل ذاك الجمل اللي راكباً عليه راعيه . وراعي البل يعرف الحر من اللي ما هو بـ " حر ".
ومن نظرته الأولى عرف أنه ذاك الجمل " حــر " .
قرب من راعي الجمل وطلب منه طلب .
في البدايه راعي الجمل . رفض لكنه يوم عاين في ملامح البنت وشاف الزين والحسن والدلال . تبدل كلامه . مع أنه رافض أن جمله " يشبي " على كل بكره أو ناقة لأنه حر .والحر لا يشبي على حرار مثله " ويشبي يعني . يركبها "
المهم راعي الجمل وافق أنه جمله يشبي على بكرة أخو البنت بشرط .
في البداية أخو البنت رفض طلب وشرط راعي الجمل . ولأن الفرصه ما تجي ألا مره وحده . غير كلامه ووافق على طلب راعي الجمل اللي هو أنه يأخذ " حِبه " من خد البنت أخته " والحِبه " يعني بوسه أو قبله . بس على الخد مو ....
قرب راعي الجمل جمله من البكره وشيى الجمل على البكره . وبعد ما قضى منهاوشبى عليها ركب راعي الجمل على جملة وقال لأخو البنت خل البنت ترقى على البكره . وتقرب مني وأخذ منها " الحِبه "
ركبت البنت على ظهر البكره .
ويوم قرب منها راعي الجمل . مسكها من " العضيده " بقوه وشلها شل وركبها معه على ظهر جمله . وأطلق خطام " بعيره " وفر كأنه " فيراري " .
حاول أخو البنت أنه يلحقه على بكرته . لكن البكره كنها " كرسيدا 80 " قدام الفيراري .
يوم عرف أخو البنت أن ما هنا أمل أو فرصه للحاق أبهم . رفع صوته وقال لراعي الجمل :
على كتاب الله وسنه نبية . رد راعي الجمل وقال : على كتاب الله وسنة نبيه.ثم سأل راعي البكره راعي الجمل من أي عرب هو . قال له أنا من ..الفلاينه .
رجع راعي البكره لأهلة وناسة وربعه ويوم سألوا عن أخته . قال زوجتها لواحد عرفته بالحج .
ووصل راعي الجمل لأهلة . ويوم سألوه عن البنت اللي معه . قال : تزوجتها من أخوها اللي عرفته بالحج .
حافظ راعي البكره على بكرته وربطها قدام البيت لين عشرت . وبعد ما عشرت عرف أن اللي جابته " قعود " . حافظ
عليه وصار يغذيه بالتمر المعجون بالسمن البري ويخلط معهم شوية " رشاد " " ثفاء " لأجل عظم القعود يقوى ويصير صلب . لأنه يبيه لأجل مهمه ما حان زمنها بعد.
مرت السنين والأيام والشاب يغذي قعوده ويدربه ويمرنه وأحياناً يجوعه لأجل يعوده على كل الظروف . ويركبه جبال وهضاب وينزلة بـ وديان ويمشيه فوق حجار وصخور .
في يوم بعد ما توكد من أن قعوده راح يسره ويطفي غيضه .
نوى على ما كان ناويه من زمان لكن الوقت والظروف حينها ما كانت تقف معه . ولا هي في صالحة بعد .
توكل على خالقه وودع أهله . وما خبرهم على ويش ناوي لأجل لا أحد يعرف ويشيع الخبر وهو يبي كل شيء بطي الكتمان .
جبال ترفعه ووديان تنزله .
بعد مسيرة سبع ليال وصل للديره اللي يبيها . وبعيد عن النواظر والعيون ربط قعوده بعيد عن مراح العرب وبيوتهم . ولبس له ملابس مهلهله وباليه . وبعد ما هود الليل ونام الصغير وعلى فراشه يتقلب الكبير . قرب من " المِقرىَ " بيت الشعر. ومن تحت الشق طل براسه يم شق الحريم بعد ما سكت الكلاب بعظام كانت معه . دخل من تحت الشق . وعرف أخته وهي " منسدحه "وحوالينها عيالها الصغار .
بسرعه حط يده على فمها لأجل لا تصوت وتلم عليه أهل الفريق . وهمس بأذنها وقال لها : أنا أخوك فلان . بغت تصهلل وتغطرف. لكنه كتم على فمها وقال : باكر تردين على الماء وأخت فلان معك . أنتِ وهي بس.ما معكم أحد
قالت له : ابشر لك ما تبي . بس مركوبك يقدر يسرك وينجدك ويسعفك . قال : ما عليك ولا تشيلي همي بعد ما أحطها خلافي و مثل ما سوى أخوها معك ذيك السنه .راح أسوي
خرج من عندها متسللاً ورجع نام قرب الغدير . ويوم فج النور . جهز قعوده . وقعد يراقب طلة أخته وأخت غريمه . وبعد شوي شافهم . قام راح واندرق بين الصخور والقشع . وما أن وصلت أخته واللي معها حتى هجم على البنت وخمها ولمها وعلى قعوده ركبها .مثل ما سوى غريمه مع أخته
صاح الصايح وكلاً ركب ذلوله ومنهم أخو البنت راعي الجمل ركب على جمله وفك خطام جمله .
حاول أنه يلحق بهم لكن القعود ما ينلحق .
يوم أخو البنت عجز عن اللحاق به قال له : سألتك بالله القعود ذا ولد الجمل ذا . رد راعي القعود : قال نعم هو ولده
قال أجل على كتاب الله وسنة نبيه . رد عليه راعي القعود. قال على كتاب الله و سنة نبيه
في مثل هذي الأيام يوم كل حاج نوى أنه يغادر لدياره وأهلة وناسه وربعه .
وقف هاك الشاب وعن يمينه تقف أخته . وكان حينها الناس ما تعرف الغطوه ولا البرقع .ووجهها مكشوف . وعن يساره تقف بكرته وخطامها " والخطام للي ما يعرفه . هو الحبل اللي تنقاد به الذلول " بيده الشمال .
ولأنه راعي ذود وأبل ومطايا " وبعارين " جمع بعير.
وقف يتأمل ذاك الجمل اللي راكباً عليه راعيه . وراعي البل يعرف الحر من اللي ما هو بـ " حر ".
ومن نظرته الأولى عرف أنه ذاك الجمل " حــر " .
قرب من راعي الجمل وطلب منه طلب .
في البدايه راعي الجمل . رفض لكنه يوم عاين في ملامح البنت وشاف الزين والحسن والدلال . تبدل كلامه . مع أنه رافض أن جمله " يشبي " على كل بكره أو ناقة لأنه حر .والحر لا يشبي على حرار مثله " ويشبي يعني . يركبها "
المهم راعي الجمل وافق أنه جمله يشبي على بكرة أخو البنت بشرط .
في البداية أخو البنت رفض طلب وشرط راعي الجمل . ولأن الفرصه ما تجي ألا مره وحده . غير كلامه ووافق على طلب راعي الجمل اللي هو أنه يأخذ " حِبه " من خد البنت أخته " والحِبه " يعني بوسه أو قبله . بس على الخد مو ....
قرب راعي الجمل جمله من البكره وشيى الجمل على البكره . وبعد ما قضى منهاوشبى عليها ركب راعي الجمل على جملة وقال لأخو البنت خل البنت ترقى على البكره . وتقرب مني وأخذ منها " الحِبه "
ركبت البنت على ظهر البكره .
ويوم قرب منها راعي الجمل . مسكها من " العضيده " بقوه وشلها شل وركبها معه على ظهر جمله . وأطلق خطام " بعيره " وفر كأنه " فيراري " .
حاول أخو البنت أنه يلحقه على بكرته . لكن البكره كنها " كرسيدا 80 " قدام الفيراري .
يوم عرف أخو البنت أن ما هنا أمل أو فرصه للحاق أبهم . رفع صوته وقال لراعي الجمل :
على كتاب الله وسنه نبية . رد راعي الجمل وقال : على كتاب الله وسنة نبيه.ثم سأل راعي البكره راعي الجمل من أي عرب هو . قال له أنا من ..الفلاينه .
رجع راعي البكره لأهلة وناسة وربعه ويوم سألوا عن أخته . قال زوجتها لواحد عرفته بالحج .
ووصل راعي الجمل لأهلة . ويوم سألوه عن البنت اللي معه . قال : تزوجتها من أخوها اللي عرفته بالحج .
حافظ راعي البكره على بكرته وربطها قدام البيت لين عشرت . وبعد ما عشرت عرف أن اللي جابته " قعود " . حافظ
عليه وصار يغذيه بالتمر المعجون بالسمن البري ويخلط معهم شوية " رشاد " " ثفاء " لأجل عظم القعود يقوى ويصير صلب . لأنه يبيه لأجل مهمه ما حان زمنها بعد.
مرت السنين والأيام والشاب يغذي قعوده ويدربه ويمرنه وأحياناً يجوعه لأجل يعوده على كل الظروف . ويركبه جبال وهضاب وينزلة بـ وديان ويمشيه فوق حجار وصخور .
في يوم بعد ما توكد من أن قعوده راح يسره ويطفي غيضه .
نوى على ما كان ناويه من زمان لكن الوقت والظروف حينها ما كانت تقف معه . ولا هي في صالحة بعد .
توكل على خالقه وودع أهله . وما خبرهم على ويش ناوي لأجل لا أحد يعرف ويشيع الخبر وهو يبي كل شيء بطي الكتمان .
جبال ترفعه ووديان تنزله .
بعد مسيرة سبع ليال وصل للديره اللي يبيها . وبعيد عن النواظر والعيون ربط قعوده بعيد عن مراح العرب وبيوتهم . ولبس له ملابس مهلهله وباليه . وبعد ما هود الليل ونام الصغير وعلى فراشه يتقلب الكبير . قرب من " المِقرىَ " بيت الشعر. ومن تحت الشق طل براسه يم شق الحريم بعد ما سكت الكلاب بعظام كانت معه . دخل من تحت الشق . وعرف أخته وهي " منسدحه "وحوالينها عيالها الصغار .
بسرعه حط يده على فمها لأجل لا تصوت وتلم عليه أهل الفريق . وهمس بأذنها وقال لها : أنا أخوك فلان . بغت تصهلل وتغطرف. لكنه كتم على فمها وقال : باكر تردين على الماء وأخت فلان معك . أنتِ وهي بس.ما معكم أحد
قالت له : ابشر لك ما تبي . بس مركوبك يقدر يسرك وينجدك ويسعفك . قال : ما عليك ولا تشيلي همي بعد ما أحطها خلافي و مثل ما سوى أخوها معك ذيك السنه .راح أسوي
خرج من عندها متسللاً ورجع نام قرب الغدير . ويوم فج النور . جهز قعوده . وقعد يراقب طلة أخته وأخت غريمه . وبعد شوي شافهم . قام راح واندرق بين الصخور والقشع . وما أن وصلت أخته واللي معها حتى هجم على البنت وخمها ولمها وعلى قعوده ركبها .مثل ما سوى غريمه مع أخته
صاح الصايح وكلاً ركب ذلوله ومنهم أخو البنت راعي الجمل ركب على جمله وفك خطام جمله .
حاول أنه يلحق بهم لكن القعود ما ينلحق .
يوم أخو البنت عجز عن اللحاق به قال له : سألتك بالله القعود ذا ولد الجمل ذا . رد راعي القعود : قال نعم هو ولده
قال أجل على كتاب الله وسنة نبيه . رد عليه راعي القعود. قال على كتاب الله و سنة نبيه