ستر البقيلي + صالح بن عبيد

[محـمد بن مـوسم]

محاورة نارية بين شاعرين ممميزين

ستر بن عبد الوكيل و صالح بن عبيد

بتاريخ 26-8-1429 هـ


ستر البقيلي
اهرج وسولف يا اخو فاهد لن كان ما فيها كلافه=في منتدى رمز القبيلة والرمز كلن يفتخـر بـه
ما عاد يبقى لو واحد ما حط وقعـه واعترافـه=مثل الحيا كلن يخيله لن جيت ابحلـي واشبـه

صالح بن عبيد
هات السوالف ياخو ماجد ماعندنا شي نخافه=في منتداء راع الجزيله راع العلوم يقص دربه
محد لفعل الطيب جاحد لاتسمع علوم الصحافه=ناظر لبراق المخيله في مشرق الموقع وغربه

ستر البقيلي
الهرج والأخبار واجد والعلم عند أهل الثقافـه=وان كان ولعة في الفتيله النار ماولعت محبـه
مانسمع اخبار الجرايد قوم الحكي واهل اللقافه=نحلها بأهون وسيله لو كان في الموضوع لعبه

صالح بن عبيد
حنا لنا سلم وعوايد نصرف من بنوك الصرافه=يوم المواقيف الثقيله تلقا رجل ضوه يشبه
لن عودة ناقص وزايد مالي على الدنيا حسافه=والرجل لا ضيع دليله قلنا عسى يهديه ربه

ستر البقيلي
لن جالها قاضي محايد حنا مانرضا بالوصافه=يفوز من وثق حصيله اللي سبح في كل غبه
يوم التحدي والمعاند لابارك الله في الضعافه=نقدر نجيب المستحيله لو عند بعض الناس صعبه

صالح بن عبيد
ياستر صالح وانت شاهد يمشي ولا ينظر خلافه=يرقى المراقيب الطويله ودرب ماناسبله يكبة
من النسيم ليا المساعد ياكثر عمال النظافه=ويعيش من سواي جميله لو كل خلق الله تسبـــــة

ستر البقيلي
فالين والا فالشدايد مابيننا فرق ومسافة=اهل السيوف اللي صقيله الله من راس تذبــــة
عمال ماضوو فوايد والله يالو مالله وخافه =لقعدلهم في كل ليله واحط فوق الباب ضبة

صالح بن عبيد
المشتري وازا عطارد واللي نظره يشوف شافة=ومن لايشوف الله وكيله بكره يصحيه المنبه
موعدك في يوم المعايد بعد ابن عمي شاب قافه=مداتنا ماهي قليله وانت الطلب ياستر لبة