المساعد الشخصي الرقمي

مشاهدة النسخة كاملة : الوعول مع ابو سطام اللهاوي

محمد اللهاوي
15-03-2009, 11:27 PM
السلام عليكم ورحمة الله وبركاته
يالربع اتصل علي ابو سطام يوم السبت الموافق17/3/1430 وقال ان كان تبي العلوم اللي تنومس زين الدله يابو سعد بعد المغرب انا جايك وجاني بعد المغرب وحنا انتقهوى قلتله هات علوم الصيد يابو سطام
قال ..........................
مشينا يوم الاربعاء العصر من تبوك انا وابو عبدالسلام السلمي وابو نايف المطيري وابو حامد المطيري وابو عزام القرني نبي الصيد وجينا في محلنا اللي نبية وشبينا النار وزينا الدله والبراد والعشاء وبتنا
ويوم اصبحنا الخميس تقهوينا وافطرنا وتوزعنا على الديرة انا وابو حامد وابو عزام رحنا ايمن الديرة وابو عبدالسلام وابو نايف راحو ايسر الديرة ولقيت الجره الجديده اللي بعد المطر وقصصناها ويوم وصلنا المسابير دربلنا وتقفرنا واني اشوف اثنين من الوعول فالمرمى وانا اعطيه الاوله وانه يوم برك واستلحقه بالثانية وحذفتبه من راس المطاره وانه فالوادي ونرمي الثاني لين ادرق ولقينا دمه مروح صويب ياغبني عليه واخذ صيتي الاوله ونعود لمحلنا وسمعنا الرمي عند خويانا..........
وجونا خويانا المغرب وان معهم مثل صيدتنا جابها ابو نايف ويقول
شافو ثلاث من الوعول وطرحو واحد والتيس ابو شبرين راح صويب ودمه على كل حصاه وعدى في مطار مايصله الادمي اااااااااااه والله انه الغبن صحيح
المهم يوم جونا خوينا صلخنا الصيد وشوينا وتمرقنا واللي علينا بالخير
وبعد العشاء سرينا يم تبوك
وهذي علومنا وسلامتكم..........وشفت الصور مع ابوسطام واخذتها وحبيت اهديها لكم في منتدى ابو مشعاب...واليكم صور الوعول مع ابو سطام


[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]
مسعد البقيلي
16-03-2009, 12:43 AM
الله يبيض وجهك يابو سعد وهذي العلوم اللي تنشرا وتنومس صدق

وحلالاه لو اني معهم

وسلم لي على ابو سطام السلام الكثير والله يبيض وجهك ووجهه هو واخوياه

وعساهم دوم صايدين

والف شكر لك على طرح الموضوع

ولك تحيااااتي
فيصل عبدالله
16-03-2009, 01:16 AM
وانت سالم وغانم يا محمد

بيض الله وجيه ربوعك وعساهم على القوه دائم
محـمد بن مـوسم
16-03-2009, 01:17 AM
ما شاء الله تبارك الله

ماهي غريبة على ابو سطام

عساك سالم يا محمد

وبيض الله وجه ابوسطام وسلم لنا عليه

وقوله لا ينسى الحقه

ههههههههه

بيض الله وجهك يا محمد
جمال البقيلي
16-03-2009, 02:40 AM
الاستاذ محمد


بيض الله وجهكـ ووجه ابوسطام وخوياه


ماقصرتم والله يعطيكم العافيه

تحيااااتي لكم
رائد العالي
16-03-2009, 12:31 PM
بيض الله وجهك يامحمد على الصور اللي تشرح الصدر
خالد الصليمي
16-03-2009, 03:34 PM
السلام عليكم ورحمة الله وبركاته
حياكم الله يأخوان ولا تعبتم وأقول لابوسطام وأخوياه كفو وبيض الله وجيهكم وعلي ذكر المقناص والصيد أعلمكم بسالفه يسولف بها أخوي عبدالله بن ستر اللحياني رحمه الله والعلم هذه قبل خمسه وعشرين سنه كان معه سياره جيب حبه ونص شراع موديل أثنين وثمانين يقول طلعت يوم الربوع العصر وزهابي
في سيارتي من الي وهو الله يرحمة مايحتاج احتزم برجال ولاهانو الاخوان والعلم اللي جاني عن الظبي أنها يم القنفذه جهة الساحل والعذر منكم والله نسيت
المحل اللي سماه ربما البعض منكم يعرف مفاليها وشعابها الحاصل وصل الرجال محله اللي يباه وأمرح لحاله ما معه أحد والصبح قام وصلي وشب النار
وسواله فطوروقهوه يقول وألا هاك العود الدقاق الطويل محتزم ومعه عطيف يقول سلام يارجال قلت وعليكم السلام مرحبا حياك الله الفطور والقهوه والمه
جلس وأفطر وتقهوي تناشدنا بالعلوم حسب السلوم قال والله ياولد شوفني رجال شايب أني ماقد رميتها بالبندق لكن الزمها لزم باليد يقول تعجبت من كلامه
وقلت ما أصدق مع أحترامي لك الا أن كان شي أشوفه بعيني وزعم العود وأعتزا وقال تعطيني حفلان وكفلان أن اليوم ما تبارح محلك هذه اليوم وأنا أجيك
بالتيس ونتغداء سواء وأنت اللي تذبحه بيدك قلت تم وعلم يم قال سوي البراد الشاهي ويطلع الغليون ويتعمر ويتقهو ويسولف وأنا في كبدي حراره النهار
راح والعود مروق وقلت له الصيد راح وأنت تعمر نهارك كله قال ماهو بشغلك وعلي القايله قام من عندي وقال لا تروح حد السكين ولم الحطب وأنا جايك
هالحين قلت في نفسي يعوض الله راح المقناص بلاش وبعد ساعه وعليها وهو جايني مع هاك القوز وأمد الدربيل عليه وأذا هو شايل التيس علي ظهره لازم
يدينه سوي من علي متنه ورأس التيس يومي حي ويقول وأنا أنصاه والسكين في يدي وأقوله كفو بيض الله وجهك قول وفعل عطنيه خلني أذكيه لا يروح
علينا عقب جابه الله ثم جبته هذه علم أبن ستر والله يأخواني بالحرف الواحد لكن بقي سؤال مني لكم (كيف العود قدر يلزم التيس ) وعليكم الاجابه يأهل المقناص ويا العراف وعلمي وسلامتكم والله يحفظكم 0
أحبكم في الله 0
يحي الحوباني
18-03-2009, 07:29 PM
مشكور يا غالي

تقبل مروري
عبد الرحمن رويشد
19-03-2009, 01:22 PM
بيض الله وجيهكم .. طرقه تنومس

يعطيك العافية على النقل
عبدالرحمن علي
25-03-2009, 08:03 PM
بيض الله وجيهكم .. طرقه تنومس

يعطيك العافية على النقل

وعقبال ماتجيبه يابو سعد

تحياتي
عبداللة البقيلي
27-03-2009, 12:12 PM
مشكور يا غالي
ابن جدوع اللهاوي
07-11-2010, 09:57 PM
والله إنكـ ذيب ياااااخوي أبوسطام
سلمت ياااااااااااخوي
ولاهانوا الجماعه كلهم ماخص أحد عن أحد
ومشكووور يابو سعد على الموضوع
أخوووووكـ عبدالله