يارائد العالي بدأ الطاروق.

[إبراهيم العنزي]

سلام رديه مثل ميناء البواخر فالبحور=ترسي معانيها ليامنـي فتلـت ابياتهـا
والشاعر اللي في زمانه مايلف ولايدور=يقلط ويلقى له رجالٍ عاليـه هقواتهـا

[رائد العالي]

يامرحبا يالوايلي واليوم زاد النور نور=من بعد طالت غيبتك هات السوالف هاتها

النمر يعرف منزله في غابته بين النمور=حتى ولو سود الليالي ماسلم صكاتها

[إبراهيم العنزي]

دام البقى ياشاعرٍ كد قال في وقـت الدهـور=إن جـاء ربيـعٍ ربعـوا والا دهـورٍ جاتهـا
ذودك جفل عقب القطار اللي على ذيك الجسور=هذا قطارٍ مايخـاف مـن الفـري وأكواتهـا

[خالد الصليمي]

يسلام يسلام علي الطاروق صح لسان أبراهيم العنزي وصح لسان رائد
متابع و الله يعطيكم العافيه
أحبكم في الله

[رائد العالي]

ياصاحبي مال العظام الباليه غير القبور=لاتحرث تراب القبور اللي تحفظ امواتها
عمرك مضى ماعاد باقي لك سوا خمسة شهور=والناس ماتقدر تعيد الفايت اللي فاتها

[إبراهيم العنزي]

علّم بني عمّك ورى ذيك المنازل والقصور=ترى العهد ماهو بلبس افرنج مع عباتهـا
اللي بقالي مايعرفه غير عـلاّم الأمـور=والاأنت بقعا كل يـومٍ مونـسٍ علقاتهـا

[مسعد البقيلي]

رايد وابراهيم صح الله السنتكم وواااصلو ابداااااااع ماله مثيل

[محـمد بن مـوسم]

صحت السنتكم ابراهيم ورايد

طاروق ممتاز واصلوا عساكم على القوه

[عبد الرحمن رويشد]

صحت السنتكم وقواكم الله

متابعين

[محمد بن هتلان]

الله يعطيكم العافيه على هالطاروق

[رائد العالي]

اشره عليه لن وصل مني ياابن وايل قصور=واهل القلوب الصافيه ماتختفي نياتها

وشلون تسلم وانت لك شهرين تطمر للجسور=تقعد على درب الذياب اللي تلج اصواتها

[إبراهيم العنزي]

أنا أدري أنك مأنت من قوم التبختر والغرور=لاكن عرجات السنين أتجيك فـي ميلاتهـا
الذيب ميت يالعتيبي من قديمات العصـور=علّم عجوز قريح يم الضلع تطلـق شاتهـا