وين أنت يابو عبد الله

[رائد العالي]

الله واكبر يازمان الشر ياشين الطبوع=ماعاد يفرق بين بيضان الوجيه وسودها

يامحمد من السبت اناظر وانتظر لين الربوع=واثر العرب ماعاد توفي للعرب بوعودها

[محـمد بن مـوسم]

الله الله
موجود يا رائد

واستلم لاهنت



لاتظلم الدنيا يا رائد وانت رجال قنوع=والفرق واضح وانت حذرا لا تبيح سدودها
يا رائد العالي ترى بعض العرب خبلٍ دنوع=لو ينفخون ذروبهم معروف وش مجهودها

[رائد العالي]

صح لسانك يابو عبد الله وستلم لاهنت


والله ماجاني على عيشة غشيم الراي جوع=الله يخلي للديار المعشبات عدودها
أنا علي أقدم الفنجال واجيب القدوع=ولا هل المنقود يرجع فوقها منقودها

[مسعد البقيلي]

رايد العالي


ومحمد موسم


صحت السنتكم


وااااصلو متابعيين:rolleyes::rolleyes:

[رائد العالي]

ابو حاااتم لاهنت على المرور

[علي ابن عواش الحبابي]

الله الله صحت السنتكم

[إبراهيم العنزي]

صحت السنتكم قواكم الله هذا الشعر هذا الابداع هذا التميز فهؤلاء

الشاعرين من اهل التميز و الابداع استمتع بمحاوراتهم وفالهم الجنة.

[عيسى السواجي]

الله الله


كل هذا وانا ما دريت

علي الحراام انها محااوره من الوزن الثقيل

راائد العالي**ابن موسم

هنا معنى الابداااع

صحت السنتكم

وبيض الله وجيهكم

واصلووو واناا متاابع

تحيتي

[محـمد بن مـوسم]

صح بدنك يا رائد

واسمع اسمع


ماهو بواصل للسماء لو كان حب الرجل كوع=والا العدود الراهيه كل العباد شهودها
ان جات حزات الصمايل خار يبغاله فزوع=وان جات حزات الرخا كثرت عليك ردودها

[نايف العطياني]

الله الله

صحت السنتكم

وبيض الله وجيهكم

متابعين والصف عالي ضد المجرم :)

[رائد العالي]

النفط في كل الوطن محصور في خمسة فروع=الجود كله يا محمد ما يساوي جودها

طيب مادام أن القمر نوره بهرنا بالسطوع=نوره يكفي واترك الموتى بوسط قبورها

[محـمد بن مـوسم]

الله يبارك في حقول النفط لا يجيها هزوع=وانه يخلصنا من اللي ما تعرف حدودها
هداج تيما يا العتيبي ما يقارن بالنقوع=اللي عصافير الشجاري كل يوم ترودها

[رائد العالي]

شفنا من انواع الخلايق يامحمد كل نوع=وين الرجال اللي تولع نارها بزنودها
الله يزيد الخير خير ويرزق القلب القنوع=ماخابت الدوله وخوف الله شعار جنودها

[خالد الصليمي]

ماشاء الله تبارك الله علي الشعار الكبار رائد صح لسانك وصح لسانك يابوعبدالله وياسلام علي المعاني العميقه في غب البحور ومنكم نستفيد تابعو وترانا متابعين الله يعطيكم العافيه0

تحياتي لكم وللجميع
أحبكم في الله