المساعد الشخصي الرقمي

مشاهدة النسخة كاملة : مكتبة محاورات للشاعر الكبير خليف بن دواس الاسطورة

فايز الميموني
30-08-2008, 11:28 PM
اقدم لكم ابيات مختاره من ضمن محاورات :خليف بن دواس
وهي ابيات فتل ونقض مع كبار شعراء الخليج الذينا سبحوا في بحور الشعر وغطسوا في
غبة البحر وجلبوا الؤل والمرجان وهاهم بجمال المفرده وقوة الصيغه وسحرالمعنى

:واتمنا ان تحوز على رضاكم:

( من عنده لبوطارق لا ينسانا )



فتل/محمد السناني


ثناعشر عام للمطران واسم خليف بن دواس=مسجل بالورق وقلوبهم ماهي مسجلـــــــــته

نقض/خليف بن دواس



ثناعشر عام للمطران واسم خليف فوق الراس= متى مانته مقابل ماتمكن من مقابــــــلـــــته

=======================


فتل/تركي الميزاني (تركي2000)



ياليل ياليل يامطيبك جبت خليف دواس=الشاعر اللي يدل الدرب ماترقد عيونـــــــــــــــــه

نقض/خليف بن دواس


حنا وجدناك ياتركي ببرنامج مع الناس=والناس منجم جبل مهد الذهب مايجهلونـــــــــه

==================

فتل /خليف بن دواس



يابن مشيط اعتبرت ان المطيري من سرائيل=وشنهو اللي على قولك يجيبنا الرديــــــه
وانتم ليا جيتم المسجد تواطون السراويـــــل=ماهو فالاسلام فرض ولا فدين الجاهليه

نقض/محمد بن مشيط


ياخليف زكيت ربعك وانت شايب يتبعك جيل=اخطيت في ما تقوله يوم ساقتك الحميه
حـــــــنا ا تعرفنا ليا منا تعلينا على الخــــيل=ماني مجازيك في ماقلت ياراع الخطيه


فتل/خليف بن دواس



انت اعتمت الخطاء فـمـطـيـر قدام الرياجيل=وحنا ترانا رجال وللمغالــــــــط مغلطيه
يافيل يافيل لا تزمر وخصمك طير ابابيل=ماعندكم يال مره غير جنه مكرمـــــــيه


================

فتل/خليف بن دواس



انا مدرب مشاه وكنت ادرب فالمـــــــــظلات=ولا هو غريب ن علي ان مت في خدمت بلادي

نقض/تركي الميزاني



ان كان مالله رحمك وبدل السيه بحسنات=قضيت عمر ن بقا بين الفتيله والزنـــــــــــــــادي

فتل/خليف بن دواس


تعرفني اني مدير السجن امينن للكلابشات=صكيتها فالرجول وفي ذراعين الايـــــــــــــــــادي

نقض/تركي الميزاني



ياريئس السجن ماتلقى على مثلي جنايات=امكمل ن واجبي مع حضر والا مع بــــــــوادي

فتل/خليف بن دواس


ماني مصدقك لين اخذ على كفك بصامات= وان ماعطيتك براه اتحول الممتاز عــــــــــــادي


=============================

وهذا طاروق بين الاسطوره

خليف بن دواس والشاعر حبيب العازمي


بدع/خليف بن دواس


ياحبيب ليش كلن يقول انك حبيب=المحبه لنساء والمعزه لرجال

رد/حبيب العازمي


اسمي اللي تعرفه معتبر ماهو بعيب=والكلام اللي تقوله ترى ماله مجال

بدع/خليف بن دواس


ماعلى اللبوه غريب ن تعقب لبو ذيب=الغريب ان عقب الذيب لبو ن من غزال

رد/حبيب العازمي


ان بغيت الثانيه لا عجيب ولاغريب=العرب قامت توافاء على روح وتعال

بدع/خليف بن دواس


لو اباضرب لك مثل بالكواكب للمغيب=من غروب الشمس فالبحر لقمت بالهلال

رد/حبيب العازمي


لو ابا ركز لك هدف خابر ن رميك يصيب=ان سلمت من العجاج المطر تحت الخيال

بدع/خليف بن دواس


سال وادي من لبن سال وادي من حليب=سال وادي من عسل سال وادي خمر سال

رد/حبيب العازمي


سيلت ماسيلت يامنادي يامجيب=الجنوبي مايحب الشمالي والشمال

بدع/خليف بن دواس


في علو التل والا على الرجع الخصيب=ارض احيللها وديره ماشد الها رحال

رد/حبيب العازمي


يوم جمعت الدواء ويش رايك ياطبيب=فالمريض اللي يشيل المرض فوق الطحال

بدع/خليف بن دواس


ووجودك وجد من ظاهرت شمسه تغيب=لا لغه يفهم ومخباه مافيها ريال

=========================


يقول نواف العازمي.


ياسلامي على اللي يسمعون السلامي=فى محل الرجال اهل الوفا والحميه
عند باب الشريف احسين جرة حرامي=وابن دواس جاه العلم والشمس حيه

رد خليف


ياهلا مرحبا ماموم يتبع أمامي=شمسكم طالعه واحذر من العنصريه
منهو المري اللى قال هاذا الكلامي=قدمه قدمه لوزارة الداخليه


رد نواف



مالقيناك وسط الدار جيعان ظامي=تطحن القوم بالجنبين صبح وعشيه
القضيه عليها شهود شرقي ويامي=وانت وصوك لكن ماحفظة الوصيه


رد خليف


انت هات المحش اللى يحش النوامي=قاصر اللوم عني مايعود عليه
ياعجب وين احصل قيمتى وحترامي=فايمن الفيصليه ويسر الفيصليه


رد نواف



ليه ماصمت ست ايام غير الصيامي=بعد عيد رمضان وقبل عيد الضحيه
كان ضاع احترامك يارفيع المقامي=غرت الفيلسوف اعلومه الفلسفيه


رد خليف



ياشفاعت محمد ليش دايود صامي= يوم وافطر يوم لسنة الانبويه
عين شافت نهار وعين شافت ظلامي= لايرجعني الاسلام للجاهليه


=============

وهذا طاروق بين خليف بن دواس ورجالله الحربي


خليف بن دواس


انا بقريش انا بهذيل انا بسليم ابن عباد=اخير الناس واهل الديره اللي لاح بارقها
بنا فخر النبوه والرساله واطول الامجاد=منار العالمين بدولـةٍ خضـرٍ بوارقهـا


رجاءالله الحربي





انا حربي ولد حربي شبابي والسيوف احداد=ليا قمنا نشب النار فـي خنـذف ونحرقهـا
عسى مالله يكثر شكل ابو طارق مع الا جواد=وجيه الخير مجتمعه وابو طـارق يفرقهـا



خليف بن دواس





اويش الخير فيكم يالبقايا من ثمود وعـاد=بعد معطاكم الله سورة الطـارق بطارقهـا
على ظهر الجمل منا لها قيد ورسن وشداد=لهلها باقيه ومسيلمـا الكـذاب سارقهـا


رجاءلله الحربي



واحد منا بميه من مطير عيال بن شـداد=وميه من شيوخ مطير نغرقها ونشرقهـا
يقولون الرجال خليف راضع مع سعد حداد=ويتخفى وراء البيبان لين يجيه طارقهـا


خليف بن دواس



لنا تاريخنا الهجري ولك تاريخك الميـلاد=تحسب انا كما حوت البحر تمسح عواتقها
انا من علي صيحه يارجالله واسلم المقداد=دخل في غرفة المياسه اللي كان عاشقها


رجالله الحربي


لكم تاريخ في رعي الغنم والصدر والميراد=ولو قال المطيري غيرها محـدٍ مصدقهـا
يارواد الاراضي حرب في سطح القمر رواد=ولا ياخليف روح وطبق المشلح وعلقهـا


خليف بن دواس



بسيف المجد نرحل من بلاد ونستحل ابلاد=واخذنا من مغاربها واخذنا من مشارقهـا
اممنا الجمع ونقود المعارك من وراء بغداد=على ارضٍٍٍٍ بالحجاز ابمعجزه نثبت حقائقها


رجالله الحربي



تقوله وانت رحت وجيت في ضبط البعير قـراد=تهز الـراس بيـن ايديـك وعيونك تبحلقهـا
انا اعطيتك صابون قلوب واعطيتك صابون اكباد=والى هالحين ربعك تغـرف البحـر بملاعقهـا



خليف بن دواس




ولد عباد طول الوقت واقف لك على المرصاد=يعرف الارض وانته صرت فاسق من فواسقها
ولا ياعقلي اللي له على الماضي حنين افواد=متى بايامنـا ترجـع وراء وتعـود سبقهـا


رجاءلله الحربي





تساوا فوق سطح الارض لا يجمد عليك اجماد=ومن شايل بجيبه صورة مطيـري يشققهـا
فايز الميموني
30-08-2008, 11:31 PM
خليف بن دواس

يامرحبا تــرحيب نـفـتــــح به الباب=عــنــد الـــكـريم الـمـعتبر والله اكرم
من عــادة المشعوف تكريم الاشناب= لين اشتهر بين الـعـرب مـثـل حــاتم

صياف الحربي

عسى البقاء بخليف وعقاب وحجاب=واللي جـمـع كـل الـرصاص وتـحزم
يستاهــلـــون المدح عربين الانساب=وانا سمــعــت اخـبـارهــم واتـــعــلم

خليف بن دواس

ياريـــــــح ياللي منك مذهاب واياب=ياسرع مـــوج الـبـحر الاحمر تلاطم
بحرٍ توارد غــبـــة ضمـي الاجـناب=ورد الحـجـيـج الـيـا ورد عين زمزم

صياف


طـــال العنا وخليف ودا ولا جـــاب=يبى يـشــيــل اللـقـمه ولا مـعـه فــــم
دورلــنــا دفـتـر ومـاصـه وكــتــاب=وان كان ماسميت هــاك الـســنـه سم


خليف بن دواس

التفت الــحــيــه على ثـنـوة الــــداب=ومن لســعــته بــالــسـم منها طفا سم
مــاني مـغـره للـهـقاوي فالاصحاب=اللي من اقصى الناس واللي ولد عم


صياف

رّيــح ضمـيـرك لا تـــــدور للاسباب=واطّــيـح لك في حضن ثـورٍ مـعـمعم
صيّح لـبـو مـشعاب يعطيك مشعاب=لاتـنـتـصب للـهـوش وانـتـــه مـلــزم


خليف بن دواس

منجم جبل مهد الذهب وسق مرقاب=جــوفــه تــفـجـر مـن براكـين وحمم
تـرجـع له العملات في كسب كسّاب=ماتـنـتـج انـتـاجــه جـمـيـع الـمـنـاجم
فايز الميموني
30-08-2008, 11:31 PM
محاوره بين الاسطوره خليف بن دواس والشاعر مشعل العتيبي
محاوره درر تسجل بالتاريخ وإليكم.


خليف بن دواس


ياعتيبه عقب ماصرت لكم دوره ودوره=يابعيدين الهقاوي ياكبيرين الحظايا
فالسنه عيدين من شهرين من ضمن الشهوره=عيدكم دفع الزكاه وعيدنا ذبح الضحايا

مشعل العتيبي


ياخليف انته علومك صورهٍ في سد صوره=مير لابدك تعلم لين تنباح الخفايا
فالسنه عيدين وانت اليوم في عيد الفطوره=مير حنا مادفعنا لك زكاه امن الزكايا

خليف بن دواس


الله اكبر نكرم الضيفان والدار امخبوره=ماحصل سفك الدماء لعيون جلاي الثنايا
وينكم في يوم نلعب بالجماجم لعب كوره=كل ماتهداء لنا من عندنا تقبل هدايا

مشعل العتيبي


الله اكبر والكبير الله والاجواد امخبوره=وانت لا تمشي مع المنحاه وتسوق المطايا
ياخليف الحكم لله ثم عند اخوان نوره=والحميه كيف ضاعت منك ياراع الحمايا

خليف بن دواس


كيف نقبل عذركم ومطير ماهي بمعذوره=تسمعون امزغردات الحور في عوج الحنايا
عذرنا منكم ليا قمنا بثوره ضد ثوره=فخرنا غرس الملوك ومجدنا خلع الولاءيا

مشعل العتيبي


والله إنا مانبورك مير جانا منك بوره=ليتنا ماكان طعنا العلم ونسوي سوايا
لا تشاورنا ولا ندخلك معنا فالمشوره=انت تبغى لك من الميسم على راسك كوايا

خليف بن دواس


ثورت الهيجاء لنا في برد والا في حروره=كل ماخظنا ملاحمها نغني بالحدايا
بس قمنا دونكم لجل اخذ ثار وستر عوره=يوم نسمع بأسمكم فالضيقات امن الزوايا

مشعل العتيبي


لا تمنا الشر وانته من خطوره في خطوره=والله إني ماخبرتك ماتهاب امن المنايا
لو تقومها قيامه من تبوك إليا شروره=مانت مشبع لك جياع ولانت مروي لك ضمايا


خليف بن دواس


وش لكم من عذر يومن شيبو منه البزوره=جاب بن عائض عسير اللي وراء سبت العلايا
دارنا منها ديار اسكان وديار مهجوره=والعسل برا الخلايا والنحل جوف الخلايا


مشعل العتيبي



لا تغر الناس فيك الناس ماهي بمغروره=لو ابا وصفك واحليك معدوم الحلايا
خل عندك معرفه وادراك والدار محظوره=نيتي زينه واضنك من خبيثين النوايا

خليف بن دواس


راجعو تاريخ بن عباد واقروء في سطوره=المنايح والذبايح مايقدمهن عطايا
بصر عينك شافنه يوم السطر وقت السطوره= مع بنات الريح رقصاتن بياياتن تيايا

مشعل العتيبي


كل تاريخٍ على مافيه والارض معموره=وانت ابن عباد ماتلعب على كل النحايا
كان ماتقراء الكتاب وتعتبر في كل سوره=جاتك الدنيا ببالوىٍ من كبيرات البلايا

خليف بن دواس


حكم واشكل صن يالاعب دبل كبوت فوره=مادرى عنها حويل الخبل ابو سبع الغوايا
فايز الميموني
30-08-2008, 11:32 PM
محاوره بين خليف بن دواس(شاعر الملك خالد)وملفي المورقي

خليف بن دواس


تحضرو ياعتيبه للبعث والنشور=واصحو بعد موتكم من بعثكم للحياه
قومٍ فسطح الثرى تبكيكم اهل القبور=ميتكم الحي ميتكم يصلي علاه

ملفي المورقي


حنا ترانا بخير ولا علينا قصور=الحمد لله في نعمه وخير وغناه
خليف مسموح لو انه يلف ويدور=ما ينوخذ شايبٍ ثالث رجوله عصاه


خليف بن دواس


العام جبتو لنا درزن بنيات حور=حمى العذارى عوانس ماعليهن زكاه
انزل ديار الحياء وجني جديد الزهور=عين الفقر ناظره في باب بيت الغناه


ملفي المورقي


نهدي لك اللي مضاربها تفج النحور=هذاه قسمك ومن دور لشيٍ لقاه
حنا ترانا يابو طارق نعرف الامور=اللي يقدم كراب الكف يعطى ملاه

خليف بن دواس


بس القنابل تفاجر والبنادق تثور=ماكنها الا حصاهٍ نازيه عن صفاه
امحنيات الركب ماني عليها صبور=نعط الولاء للولي وانته عليك القراه


ملفي المورقي



اسبح وحنا نحول مظلمات البحور=ياما سبحنا محيطٍ يغرق السفن ماه
ياخليف ياخليف داور عملةٍ ماتبور=اخير من كلمتٍ تزعل هذاك وهذاه


خليف بن دواس


قبلك سليمان بن داؤود يتلا الزبور=يسجد له الطير وهوه عالين في سماه
العام الاول مشره في سنام الجزور=واليوم ليتك تمرق من مرقت الدباه


ملفي المورقي



اعرف سليمان يعرف وش تقول الطيور=حتى إن هدهد سبأ نبأ وفسر نباه
العز ياخليف قسمي من قديم العصور=يوم إن بعض الاوادم مايحصل عشاه


خليف بن دواس



وان كان تبغى العشاء لمبرقعات الطيور=يبقى على برقعه ولا تكشف غطاه
الماء على حالته طاهر ونجس وطهور=والصالح الصالح اللي معتبر للصلاه
فايز الميموني
30-08-2008, 11:33 PM
محاوره بين الاسطوره(شاعر الملك خالد)خليف بن دواس وحبيب العازمي
في عام 1417هـ

خليف بن دواس


هلا يامرحبا في ليل عيدٍ من حدا الاعياد=نحييكم على ريح الشحم والهيل والبنا
مناهلنا الشجاعه والكرم والفخر بالامجاد=على خير الفعول الطيبه هاذي مناهلنا


حبيب العازمي


يدوم الك البقاء فاليله اللي نورها يزداد=ليا قدمتها ياخليف ياصلك الجزاء منا
ترانا مانذم اصحابنا هم مذخرت عباد=ليا كنتم كما كنتم وحنا اصحابكم حنا


خليف بن دواس


لنا عز النفوس بحسن جيره ولتزام الزاد=وبادينا على خير المناهل يارث اولنا
تولنا الجزيره لين من ساد الجزيره ساد=وراء بارق مطير امخظبين السيف بالحنا

حبيب العازمي


ليا دارت رحاء الحراب جينا والسيوف احداد=وحنا مانقابل غير رجالٍ يقابلنا
منول ياخليف احدٍ يصيد الصيد واحد ايصاد=لكن اليوم هونتم عن الفتنه وهونا


خليف بن دواس



تريحنا وريحنا السيوف ورايح الحداد=سنين ولا علمنا الا تشره فينا اسفلنا
محمد مبتدا الهجري وعيسى فاخر الميلاد=وحنا والنصارى واليهود ايتهم احسنا


حبيب العازمي



ليا منك قعت اعن الجهاد ابرك لك المقعاد=بعد ماشاب راسك يالمطيري لا تورسلنا
انا خابرك رجلٍ تعرف المصدار والميراد=ولن ضيعتها ياخليف قنا الله يأمنا


خليف بن دواس



تعبتو لجل ستر الحال من صنعا ليا بغداد=ولا شنا لقت طبقه ولا طبقه لقت شنا
تكيفتو من الدله وكيفتو من البراد=وعودتو على لعبة دبل حكم ودبل صنا


حبيب العازمي



على الصحراء تضعضعتو وحنا للفضاء رواد=ياكبر الفرق غرب وشرق بين الانس والجنا
ليا سميتها لعبه وسلمت نقدت النقاد=نبا ندبلك حكم وصن من قدام تدبلنا


خليف بن دواس



مناديك المنادي للجهاد وقلت اخير اجهاد=على صهوت فرس ولا على غارب جمل شنا
مناظركم بملبوس الحرير وفرشت السجاد=تمدنا تطورنا تطورنا تمدنا
جمال البقيلي
30-08-2008, 11:34 PM
الاخ فايز الميموني


اشكرك على هذا الاختيار الرااااااااااااااااائع


الله يعطيك العافيه

تحياتي
محـمد بن مـوسم
31-08-2008, 12:05 AM
ابو جزاء

سلمت اناملك على اختيارك الرااااااااااائع

وخليف بن دواس شاعر من كبار الشعراء الذين يمتعونك في محاوراتهم

يجيد الفتل والنقض باسلوب خاص وشاعرية هالية

لله درك يا ابو جزاء على هذه المكتبة الراااااااااااااااااااااااائعه

والمفيده


تقبل اعجابي وتقديري
الوفاء طبعي
31-08-2008, 02:01 AM
الله يعطيك العافيه

جهد تستحق ان تشكر عليه

تقبل مروري:::
رائـد الموسمي
31-08-2008, 05:25 PM
مشكور الاخ فايز ....
خالد الحربي
31-08-2008, 05:33 PM
مشكور اخوي
طارق بن عبداللطيف
31-08-2008, 06:41 PM
الاخ فايز الميموني


اشكرك على هذا الاختيار الرااااااااااااااااائع


الله يعطيك العافيه

تحياتي
فايز الميموني
04-09-2008, 03:25 AM
اقدم لكم محاورة للشاعرين خليف الشاطري و محمد المسعودي

خليف بن دواس :

سلام يا دار ٍ بها ماطى قدم دوس الصعاب
00000000 بصدق محبتنا نهنيكم بوادي الكوثرا

فيها جواب ابمغنطيسية بعد طرد السراب
00000000 منها فريد الحب لا يملح بغير السكرا


محمد المسعودي :

يا دار ودي له خبر والا ارسلي يمّه كتاب
00000000 رجل ٍ مشى بالدرب الايمن ما مشى بالايسرى

البرق يبرق والرعد من قوته هز السحاب
00000000 وان كان اراد الله بخير ارسل خياله وامطرا


خليف بن دواس :

ابلغ ترى الحكمة نهاية بحث من عين الصواب
00000000 ويل البلاغة في بلاد هذيل دق السنترا

مفهوم همزة وصل حجز اوكيه مذهاب ٍ واياب
00000000 على مناكب ديسكفرينا بلا تشلنجرا


محمد المسعودي :

الحاظر اللي سجّـل اسمه ما يعد من الغياب
00000000 والطرقي اللي دوب جاء مدري كتب والا قرا

اليا لقينا تاجر ٍ يشري عطيناه الحساب
00000000 واليا لقينا ترجمة مافيه بيع ومشترى


خليف بن دواس :

الله عقل يوسف على يعقوب من بعد الجناب
00000000 ما عاب يوسف فيها عابو فيها اخوه الاصغرى

الله يعين اللي على الغبه مغطيه الضباب
00000000 تسبح وتغطس به سفينه ما درى وين ابحرا


محمد المسعودي :

الذيب لو بات الخلا ما تاكله شهب الذياب
00000000 لو كان بعض الناس غافل عن مصيرة ما درى

ان كان عندك علم قول العلم قوله لا تهاب
00000000 النار حية والعـــــه والليل بدري ما سرى


ـــــــــــــــــــــــــــــــــــــ
فايز الميموني
04-09-2008, 03:32 AM
بلا مقدمات

إليكم

المحاوره

خليف بن دواس


هلا مرحبا من عزوةٍ يرفعون الراس=صحابة رسول الله سراياء وقيادي
لنا يوم بدر حنين بالفخر والنوماس=ولنا صبح يوم الفتح والنصر منقادي


فيصل الرياحي


يدوم البقاء والمعرفه بحر ماينقاس=وصحابة رسول الله مع المصطفى الهادي
سوالف خليف اتحرك الفكر والهوجاس=كما نشرت الاخبار من موجة الرادي


خليف بن دواس


لنا السيف ولنا الرمح والحبر والقرطاس=ولنا زهرةالتاريخ هجري وميلادي
لو إن القبائل من جواهر ذهب ونحاس=خلقنا زهورٍ مشرقه فخضر الوادي

فيصل الرياحي


تذكرني ابو بكر في عصر ابن عباس=بعد روح الممتاز وش خانت العادي
وانا اقول نعم وكل راسٍ يجيه اعطاس=لكن الحقيقه كنها الكوكب البادي


خليف بن دواس


مضى مامضى من وقت ياسابح الغطاس=يعود صلاح الدين فالاد عبادي
نواصي ملوكٍ توجت بالذهب والماس=اخذ يوم معركة الجمل بأم الاجوادي




فيصل الرياحي

بغى خليف يقرا الكتب ثم طقه الوسواس=ابو زيد خالٍ له وابوه ابن شدادي
تكلم كلام الصدق يالشاعر الحساس=اشوفك تلم الهرج من غير عدادي


خليف بن دواس


خلاعنا ملوكٍ مع سلاطين ماتنقاس=وغرسنا ملوكٍ لجل ديني وببلادي
بعصمة كتابٍ فيه تخنيسة الخناس=لنا راجع التاريخ بوجود الاشهادي



فيصل الرياحي


تحلمت تال الليل ياخليف بن دواس=ولااظن للأحلام عابر ونشادي
انا عقب هذا الليل سميتك الهلاس=واخاف ان خلق الله يسمونك الغادي


خليف بن دواس



مقصات للا شناب مع لدقون امواس=يابو بنطلون ازرق وابو كم ولادي
بغينا الحياء لكن ما عود العساس=على ارض الدهر عبري وسرداد مردادي
متعب القويعي
07-09-2008, 01:58 AM
الاخ فايز الميموني


اشكرك على هذا الاختيار الرااااااااااااااااائع والقصيد الجزل


الله يعطيك العافيه

تقبل مرووري

وتحياتي
عبدالمجيد العطاوي
13-10-2008, 01:27 PM
مشكووووووووووووووووووورين يالربع مشكوووووووووورين