تعآل يآرآيد العآلي .....

[عبدالإله الكرشمي]

السلآم عليكم ورحمة الله وبركآته..

رآئد العآلي.آقرب طآل عمرك..


آقرب يآرآئد والعلوم اللي قديمه خلهآ=هآت العلوم اللي جديده وآخذ مني ردهآ
حنآ منوّل نطرح الآلغآز وآنت تحلهآ=واليوم مدري يآصحيبي ليه منت بقدهآ

[رائد العالي]

يامرحبا يابن النشاما والقضيه كلها=عين الحسود بعود ابي عبد الإله يسدها
أنته منول هرجتك في جلستك ماملها=واليوم نبنيها على سيسان وانت تهدها

[عبدالإله الكرشمي]

دآم البقآ يااللي ترحب والدروب تدلهآ=لآكن عينك يم آبو مشعآب ليه تلدهآ
الله وآكبر يالغصون اللي يضلل ظلهآ=جآهآ الخريف ونزّل آورآق الشجر ثم حدهآ

[محـمد بن مـوسم]

الله الله

سرا الليل سرا الليل

لكن عينك يم ابومشعاب ليش تلدها

صحت السنتكم مبدعين

واصلوا ومتابعين لابداعكم

[عبدالإله الكرشمي]

محمد بن موسم..

هلآ والله..

صح بدنك..

ومرورك بحد ذآته فخر..


والله لآيهينك..

[رائد العالي]

ياصاحبي هالحين جا وقت السيوف وسلها=وانته تناظر يم عذراً فاتنتك بخدها
ياكثر خلق الله وفي وقت القسا ياقلها=واليوم انا مديت لك كفي وكفك مدها

[محـمد بن مـوسم]

الله الله يا رائد

صح لسانك يا ابو سعد

مبدع دائما

متآآآآآآآآآآبع

[عبدالإله الكرشمي]

المشكله في دقهآ والمشكله في جلهآ=والنآس مآتكسب رضآهآ قبل تكسب ودهآ
شجرة عنب فوق الجبل وآن كآن مآتوصلهآ=قول العنب حآمض وآبآ آصدقك قبل تشدهآ

[رائد العالي]

ماهمنا ذيك الكبود اللي ملاها خلها=والهجمه انصاها بهجمه لابغيت تصدها
بعض الدول لاخير فيها لو نبي نحتلها=عد الحقيقه والحقيقه ماتخفى عدها


والله ودنا نواصل مير الصلاه ياعبد الإله وان شاالله نلتقي في طواريق ممتعه اخرى يالغالي والشكر كل الشكر لك والطواريق معك لها نكهه خاااااصه يعلم الله وانت من النجوم اللي الشهاده فيهم مجروحه ومبدع يالغالي مبدع دااااااائما


ياهلا ابو عبد الله ارحب ولا هنت

[عبدالإله الكرشمي]

رآئد العآلي

صح لسآنك

والله يتقبل منك يآكحيلآن..

والشرف لي طآل عمرك...وطوآريقك آنت اللي تهيض ويستفآد منهآآ..لأنك مدرسه شعريه..

لآهنت طآل عمرك لآهنت..

[خالد الصليمي]

حياك الله ياأخي عبدالاله الكرشمي وصح لسانك
حياك الله ياأخي رايد العالي وصح لسانك

الحقيقه طاروق كايف ونايف لكن تعجلتو علينا الله يسامحكم رغم أني أقول بان الضاع ههههههههههههه
لكم أجمل تحيه وللأخوان جميعا
أحبكم في الله