المساعد الشخصي الرقمي

مشاهدة النسخة كاملة : حياكم الله : سلام تسليمتن تنصى الرجال الكرام

مصلح السلمي
12-07-2009, 12:50 PM
سلام تسليمتن تنصى الرجال الكرام
في حلة سليم والاَّ حلت(ن) من مطير

يا اصحابنا يا سليم العز يااهل الحسام
خلوا المشاعيب للي عن بلاده يطير
رائد العالي
12-07-2009, 02:00 PM
صح لسانك يامصلح مبدأ رائع والله ودي العب معك مير الجايات ان شاالله وننتظر الرد من نجوم المنتدى وانا متابعكم
خالد العالي
12-07-2009, 02:00 PM
صح لسانك مصلح
إبراهيم العنزي
13-07-2009, 04:06 AM
صح لسانك مصلح
سعود السلمي
13-07-2009, 09:27 PM
يامرحبا في حلال سليم شرق ٍ وشام
الي على مذهب العربان دايم تسير


يامصلح انته مصلي خلف صف الامام
تبي تطش السيوف وتحتزم بالجفير
عبدالاله الحجيري
14-07-2009, 11:10 AM
يعطيكم العافيه

شعراء عمالقه

تحياتي
مصلح السلمي
14-07-2009, 01:47 PM
دام البقا والمواقف كلها بالنظام
من كب ربعه تجاوز سرعته ف المسير

كل(ن) على موقفه ثابت يشد الحزام
وانشد قبايل سليم اللي تعز الفقير
سعود السلمي
15-07-2009, 01:55 AM
منته بداري عن الاوضاع خل الكلام
العلم ماهو مع اهل الكيك واهل العصير


لا مدري إنك صقر كاسيك ريش الحمام
شايل شداد الجمل من عقب ضاع البعير
سعود السلمي
15-07-2009, 02:05 AM
كل الاخوان الي شرفونا بالزياره

صحت ابدانكم

لاهنتوا
مصلح السلمي
15-07-2009, 11:13 AM
الظاهر انك تِكَلَّم وانت وسط المنام
لو تنشد الناس قالولك عساكم بخير

حنا نشيل الثقيله لا نحل الحرام
واللي نشوفه على درب الخطا له نشير
مصلح السلمي
15-07-2009, 11:15 AM
شكرا لجميع الإخوة اللي أسعدونا بمشاركاتهم

وصحت ابدانكم
سعود السلمي
15-07-2009, 09:05 PM
انته ظلامي وعايش في عصور الظلام
صاير كلامك على ربعك يامصلح كثير

ماودي اخطي عليكم ياعيال العمام
لكن ٌ قلي من ايات الجماعه تصير
رائد العالي
16-07-2009, 04:59 PM
صح ألسنتكم شعرائنا طاروق حماسي ممتاز واصلو لاهنتو
مصلح السلمي
16-07-2009, 09:18 PM
عصري وعصرك سوا بالعلم نرقى السنام
راح الجَهَل ياصحيب النور دايم ننير

انا مصلي واشوف الحق عالي الوسام
مير البقيلي نشوفه حط نفسه خشير
مصلح السلمي
16-07-2009, 09:22 PM
أشكر الإخوة اللي أمتعونا بمشاركاتهم

وأقول صحت ابدانكم ولاهنتو
سعود السلمي
16-07-2009, 10:14 PM
لاتحذف بقيل وانته يارويس النعام
دسيت راسك وعقلك مثل عقل الغرير

مانعطي امع الوجيه الي عليها اللثمام
مدري لو انك من السودان عم البشير
سعود السلمي
16-07-2009, 10:15 PM
حيالله جميع الاخوان

وصحت ابدانكم لاهنتوا
مصلح السلمي
16-07-2009, 10:48 PM
الحق يِـقْـبَـلْ لو انه صادر(ن) من غلام
لا تترك الحق لن شفته لو انك كبير

ربعي سليم العظيمه وافتخر بالعظام
ماني بمجهول يومنك عليَّه تغير
سعود السلمي
16-07-2009, 11:19 PM
لو تنشد الي لهم فالعمر خمسين عام
ماجيتنا ياطويل العمر دقاق زير


ان كان تبغى الحقوق اعطيك حق الختام
الي بعدها تنام وجفن عينك قرير



-----------------------


مصلح السلمي


صح لسانك

والمعذره عن القصور والزلات


ونشكر الاخوان جميعا الي تفضلوا بالزياره
مصلح السلمي
17-07-2009, 12:29 AM
شفتك تصرِّف كلامك يوم جاك الملام
يااصحابنا اللي لهم ف القول حبل(ن) قصير

حق الختام الفشيله يوم تلقى انهزام
وانا رحمت الصغير وشلت هم الكسير

---------------

سعود السلمي

صح بدنك
مسعد البقيلي
17-07-2009, 02:33 AM
صح السانك يامصلح وياسعود ابدعتوا وبيض الله وجيهكم

وانتهى القاف ورديتوها سوالف ههههههههههه
سعود السلمي
17-07-2009, 02:44 AM
ههههههه

صح بدنك يامسعد

اخذتنا السوالف وزين انك موجود كنت برسلك رساله علشان تحذفها

لاهنت وتسلم يدينك
رائد العالي
18-07-2009, 08:50 AM
صح السنتكم اخواننا ..............