مطلق الثبيتي وشليويح المطيري

[خالد الصليمي]

حياكم الله ياأخوان وأسعد الله مسائكم بكل خير يسعدني أن أنقل لكم هذه المحاوره القمه بين الشاعر مطلق الثبيتي رحمه الله والشاعر شليويح المطيري والتي جرت في دولة الكويت الشقيقه

مطلق


يا سلامي على من هو جذبنا بطيبه = من ديرنا وقربنا خفيف الجناحـي
والتحية على شعب الكويت وحبيبه = حامي حوزة الاسلام ولد الصباحي شليويح



مرحب بالشريب اللي يبرهـج شريبـه = من كواكب قدير{ن} كل إبوهـا قراحـي
المراجل على الاجـواد ماهـي غريبـه = اخو مريم مع آل سعود علم{ن} صحاحي

مطلق



جيت يمك بجرح{ن} ما لقينـا طبيبـه = وعساك الطبيب اللي تـداوي الجراحـي
ليت ديس المنيحة مـا يقطـر حليبـه = وانت رجل{ن} على راسك تهب الرياحي

شليويح




أنت تشكي جروحك والمشاكي صعيبه = صابني مثل ماصابك ولاني بصاحـي
أنت ما انته بمتمنح{ن} تبيها نهيبـه = ما رد السكيبـة لا تسـل السلاحـي
مطلق




أنت سريتني في ليل ما ينسـري بـه = والقمر وان بدا من شرق للغرب طاحي
لا تغض النظر والقشع لا تلتـوي بـه = شق ثوب اليتم لين يغـدي اشلاحـي
شليويح





وسع البال لين تشوف راس الضريبه = والليالي تبا مسرى مجي ومراحـي
ما نطق اليتيم ولا شمتنـا نصيبـه = هقوتي بالرجال اللي تهز الرماحـي

مطلق




الرفاعي معك بالمخطيـة والمصيبـة = وانتم اهل الغنم ومصبحين المراحـي
من حلاله قليـل مـا لقالـه خطيبـه = لو يكسر تحت ضرسه قرون الوضاحيشليويح





الرفاعي معي بالحـق ماهـي غليبـه = وانت لبست محزم ما فصل له شباحي
الثبيتي صغير السن يـا كثـر شيبـه = ما حصل له هجاد ولا حصل له صباحي
مطلق



لو ثيابك نظيفه فيـك شـك وريبـه = تقضم المرو وسنونك سوات المساحي
وانت تسمع علوم الخس وانته صحيبه = كل ما قال لك صيح تلـج الصياحـي
شليويح





ليت تعبت روحك والمسافة قريبـه = كيف زودت ملح زاد واصبح ملاحي
انت تلعب على الحبلين يابو زبيبـه = مار بكره تب تدخل مجال السباحي
مطلق




استراح يا العصيمي عـن دروب تعيبـه = لين حتى تشوف الـزاد بالقـدر فاحـي
ما نبا لك خـلاف ولا نبـا لـك غليبـه = مار اشوفك تحوش الضين ما ادري اتاحي
شليويح



كان مستور طاعك ما يقلط غصيبه = مار هو مطيعك وانت علمك مزاحي




لكم أجمل تحيه
أحبكم في الله