عبدالله الروقي
31-08-2008, 10:03 AM
زبـن القاضي+فايز الميموني
في 27/8/1429هـ
زبن القاضي
فايز الميموني المطـران قامـو يمدحونـه=يستحق المدح أبن ميمون مافيهـا كلامـي
مير اخاف مطير في بعض الامور يورطونه=فوق مشعاب سلمي ولاعلى سيف الزلامي
فايز الميموني
مايخيب الظن والممدوح ماخابت ضنونه=تكبر الكلمات ثم تليق لكبـار الاسامـي
وانت تدري يازبن فمطير يوم يقدمونـه=ماتروعه السيوف اللي يقصن العظامي
زبن القاضي
التمر يم الحسـاء ياصحبـي مايجلبونـه=علم المطران تال الوقت لاتخـط النظامـي
تفهمـون العلـم والا كلكـم ماتفهمونـه=كان صار اللي تضنونه على الدنيا السلامي
فايز الميموني
يمكن اهله شككو في تمرهم ماياكلونه=ثم يصبح عندهم لاهو حلال ولاحرامي
ياعتيبه راضو {النيتو} بحلفاً تعقدونه=دونهم ماتنجزون الكايدات من المهامي
زبن القاضي
دخن باضان المسمى وش بلاكم تتركونه=مالكم غيره بها الدنيا شراب ولاطعامـي
يامطير الرب واحد ماش غيره تعبدونه=اسجدو لله لايغويكـم بليـس الحرامـي
فايز الميموني
ضلعنا زامي وخمس من الجبال تحول دون=وانت غير النير مالك فالجزيره ضلع زامي
يازبن وشلون رابح صقر ضيّع في لحونـه=لاايقول البرق شام ولايقول اللحن شامـي
زبن القاضي
عيد الاضحي كل شهر يهل وانتم ترقبونه=وان نصحناكم تزيدون المعاند بالاثامـي
فنكم علـى هواكـم يامطيـر تشجعونـه=احلمو في نومكم هذا ترى وقت الحلامي
فايز الميموني
صار ريح الملح والبارود شياً تعشقونـه=من كثر ماتورحونه كل يوم وكل عامـي
ابرك من اللي على الجيران كاشرتاً سنونه=تتدعون النصح ثم تحزّمونـه فالحزامـي
زبن القاضي
كان جاكم شر من بابن عليكم تفتحونه=اقتدو بسلوم اهلكم ياعساهـم لرحامـي
السبوق اللي ثمان سنين وانتم تطعمونه=لايجيب الكم مصيبه يارفيعين المقامـي
فايز الميموني
والله اناّ عارفين الحب واللـي يبذرونـه=والسواقي ماتحوّل فيه غير امع الظلامي
الطيور معشعشه في قاعة الضلع وركونه=رزقها مكتوب مثل ام اليتامـا واليتامـي
زبن القاضي
حبكم فادياركـم وليـا بذرتـو تحصدونـه=فيه عود من البشام وفيه عود من الثمامي
صاحبي وابغاك في راس الجبل مانته بدونه=ودي اني كل ماقابلـك فالصـف الامامـي
فايز الميموني
خابرين الشبـك شايـك والحمـى ماتقربونـه=والحصون محصنه والماء على خشوم الظوامي
الله اكبـر يازبـن وش هالتمـرّن والمرونـه=افضل انـواع التلاقـي بالقـدر والاحترامـي
زبن القاضي
القدر والغيب ياهل المنطقـه ماتعلمونـه=والعيون الساهر تسهر عليكـم ماتنامـي
انتهى الطاروق في قوقل عساهم يحفظونه=والختام بخير والتقدير هو مسك الختامي
فايز الميموني
مانتهى الطاروق باقي برق يبرق في مزونه=من تهامه مايخيلـه فالجنـوب الا تهامـي
يوم ابو زيد الهلالي حل والتمت ضعونـه=مالقينا لـك معاهـم لاشـداد ولامسامـي
زبن القاضي
ابتداء مشوار ثاني والرعد لو تسمعونه=السحاب اللي تشوفونه طلع كله غمامـي
وقت ابو زيد الهلالي راح ياللي ترتجونه=ولا انا لي هيبتي ماحد ٍ ملحقني ملامـي
فايز الميموني
ليه تطلع لك نمونه ثم تلغـي لـك نمونـه=يوم قدّمك السديس وصرت فالعضيان امامي
في طبوع الناس من لا يلحقونه يحذفونـه=ليه تجميع البعاد وليـه تفريـق الليامـي
زبن القاضي
الذهب معروض وسط السوق للي يشترونه=انت عندك راس مال اشتر وفصلك وسامي
في زمان العولمه بشت الاماره يجحدونـه=وارد اليابان سبب فالبلـد كثـر أزحامـي
فايز الميموني
ان لقيتو راس حبل براس حبـل تربّطونـه=والترابط يالعتيبي جـل همـك واهتمامـي
ماربينا فالمهانه وانـت ماجتـك المهونـه=ولايجي فالصف ياهل الدين قسمه وانقسامي
في 27/8/1429هـ
زبن القاضي
فايز الميموني المطـران قامـو يمدحونـه=يستحق المدح أبن ميمون مافيهـا كلامـي
مير اخاف مطير في بعض الامور يورطونه=فوق مشعاب سلمي ولاعلى سيف الزلامي
فايز الميموني
مايخيب الظن والممدوح ماخابت ضنونه=تكبر الكلمات ثم تليق لكبـار الاسامـي
وانت تدري يازبن فمطير يوم يقدمونـه=ماتروعه السيوف اللي يقصن العظامي
زبن القاضي
التمر يم الحسـاء ياصحبـي مايجلبونـه=علم المطران تال الوقت لاتخـط النظامـي
تفهمـون العلـم والا كلكـم ماتفهمونـه=كان صار اللي تضنونه على الدنيا السلامي
فايز الميموني
يمكن اهله شككو في تمرهم ماياكلونه=ثم يصبح عندهم لاهو حلال ولاحرامي
ياعتيبه راضو {النيتو} بحلفاً تعقدونه=دونهم ماتنجزون الكايدات من المهامي
زبن القاضي
دخن باضان المسمى وش بلاكم تتركونه=مالكم غيره بها الدنيا شراب ولاطعامـي
يامطير الرب واحد ماش غيره تعبدونه=اسجدو لله لايغويكـم بليـس الحرامـي
فايز الميموني
ضلعنا زامي وخمس من الجبال تحول دون=وانت غير النير مالك فالجزيره ضلع زامي
يازبن وشلون رابح صقر ضيّع في لحونـه=لاايقول البرق شام ولايقول اللحن شامـي
زبن القاضي
عيد الاضحي كل شهر يهل وانتم ترقبونه=وان نصحناكم تزيدون المعاند بالاثامـي
فنكم علـى هواكـم يامطيـر تشجعونـه=احلمو في نومكم هذا ترى وقت الحلامي
فايز الميموني
صار ريح الملح والبارود شياً تعشقونـه=من كثر ماتورحونه كل يوم وكل عامـي
ابرك من اللي على الجيران كاشرتاً سنونه=تتدعون النصح ثم تحزّمونـه فالحزامـي
زبن القاضي
كان جاكم شر من بابن عليكم تفتحونه=اقتدو بسلوم اهلكم ياعساهـم لرحامـي
السبوق اللي ثمان سنين وانتم تطعمونه=لايجيب الكم مصيبه يارفيعين المقامـي
فايز الميموني
والله اناّ عارفين الحب واللـي يبذرونـه=والسواقي ماتحوّل فيه غير امع الظلامي
الطيور معشعشه في قاعة الضلع وركونه=رزقها مكتوب مثل ام اليتامـا واليتامـي
زبن القاضي
حبكم فادياركـم وليـا بذرتـو تحصدونـه=فيه عود من البشام وفيه عود من الثمامي
صاحبي وابغاك في راس الجبل مانته بدونه=ودي اني كل ماقابلـك فالصـف الامامـي
فايز الميموني
خابرين الشبـك شايـك والحمـى ماتقربونـه=والحصون محصنه والماء على خشوم الظوامي
الله اكبـر يازبـن وش هالتمـرّن والمرونـه=افضل انـواع التلاقـي بالقـدر والاحترامـي
زبن القاضي
القدر والغيب ياهل المنطقـه ماتعلمونـه=والعيون الساهر تسهر عليكـم ماتنامـي
انتهى الطاروق في قوقل عساهم يحفظونه=والختام بخير والتقدير هو مسك الختامي
فايز الميموني
مانتهى الطاروق باقي برق يبرق في مزونه=من تهامه مايخيلـه فالجنـوب الا تهامـي
يوم ابو زيد الهلالي حل والتمت ضعونـه=مالقينا لـك معاهـم لاشـداد ولامسامـي
زبن القاضي
ابتداء مشوار ثاني والرعد لو تسمعونه=السحاب اللي تشوفونه طلع كله غمامـي
وقت ابو زيد الهلالي راح ياللي ترتجونه=ولا انا لي هيبتي ماحد ٍ ملحقني ملامـي
فايز الميموني
ليه تطلع لك نمونه ثم تلغـي لـك نمونـه=يوم قدّمك السديس وصرت فالعضيان امامي
في طبوع الناس من لا يلحقونه يحذفونـه=ليه تجميع البعاد وليـه تفريـق الليامـي
زبن القاضي
الذهب معروض وسط السوق للي يشترونه=انت عندك راس مال اشتر وفصلك وسامي
في زمان العولمه بشت الاماره يجحدونـه=وارد اليابان سبب فالبلـد كثـر أزحامـي
فايز الميموني
ان لقيتو راس حبل براس حبـل تربّطونـه=والترابط يالعتيبي جـل همـك واهتمامـي
ماربينا فالمهانه وانـت ماجتـك المهونـه=ولايجي فالصف ياهل الدين قسمه وانقسامي