عبد الاله بن شلواح + زبن القاضي

[محـمد بن مـوسم]

محاورة نارية

بين الشاعر عبد الاله بن شلواح العتيبي ( الرهاوي ) والشاعر زبن بن نهار القاضي




عبدالاله شلواح العتيبي
سلامي وانا اشوف المخايـل وفالبـراق خيـر=الياكـان ماجنـب عـن اللـي يخيـل بارقـه
وانا اللي حضرت وجيت في مو عد اليوم الكبير=ومثبت وجودي مثل شمـس النهـار الشارقـه

زبن القاضي
هلا مرحبا والله كفيلـن بتحديـد المصيـر=وبرق الحياء كل الدير من مزونه غارقـه
حضورك فخر واقلط وسلم على خشم الامير=وانا اعرفك طيبك ورث جدان مانت بسارقه

عبدالاله شلواح العتيبي
يدوم البقاء ومقسم الرزق بعباده بصيـر=وثلثين جده والمدينـه عجـم وافارقـه
انا ماخدعني بشت ابو زيد والجمع الغفير=علشان اظلي عن يمينه خـوي مافارقـه

زبن القاضي
لياقلت جده قلت جده على ماقيل غيـر=ولاقلت طيبه قلت فيها علامـه فارقـه
انا خابرك يصفقبك الموج فالبحر الغزير=لكن البحـر بواخـره منقـذه زوارقـه

عبدالاله شلواح العتيبي
ضحايا الدعايه تشري الشاه وتبيع البعيـر=وبيعه ماهو بالكاش تقصيد يعنـي موارقـه
انا اكبر من اللي شافني في نظر عينه صغير=وانا ا صغر من اللي شافني صح قوه خارقه

زبن القاضي
اقول اعتبر يابو مشاري ليا جاك النذير=وباب ٍ يجيب الشر شره على اللي طارقه
انا ماحقرتك واحقر اللي يقول انك حقير=ولاشذب قفاء الطيب ليا رفرفت بيارقـه