رائد العالي لاهنت

[بدر السحيمي]

رائد لو سمحت اسمح لي بالطاروق هذا معك





يلي يسلي نباك= حنا ترانا نباك

وانته تسد اللزوم=ماحصل(ن) لك قصور

حنا بنينا القصور=ماقدر الله يصير


رايد عسى الله يحييه=عالي وله قدر عالي

مشروع من دون توجيه=ماهو قريّب مجالي

[إبراهيم العنزي]

صح لسانك قواك الله بداية رائعة و انا متابع بشغف

انتظر شاعرنا و استاذي المميز رائد للابداع و النقض

و سوف تكون محاورة مميزة و جميله بوجود اطرافها

الشاعرين الراقين و المبدعين متابع و فالكم التوفيق

[بدر السحيمي]

صح بدنك طال عمرك

ولاعليك زود

في انتظار الشاعر رائد

[رائد العالي]

يوم استوى عشبها=ياصاحبي عش بها
لكن هات العلوم=من صدرا وردا
خل الغثا والردا=ماقدر الله يصير




من قال يالله تبقيه=حبوب فأول وتالي
مشروع في حكم راعيه=مالك شغل ياحلالي

[رائد العالي]

ياالله حي ابراهيم وشرفتنا يالغالي والله يستر من بدر

[إبراهيم العنزي]

انا في صف رائد العالي لان شهادتي فيه مجروحه و استاذ و شاعر مبدع.

من دون قصور باخوي بدر السحيمي شاعر مميز و مبدع والله لايهينكم

واصلوا الابداع و الشقر الرائع و تحياتي لكم و فالكم التوفيق الطيب؟

[رائد العالي]

فالك الطيب والجنه ياابراهيم والصف يزهى بك يالقرم

[بدر السحيمي]

ناوي على طبها=لكن لو طبها

معاد يبقى رخوم=وانا حزام وردا

لكن قم ور داء =ماقدر الله يصير



مفاتني كل تمويه=ارقى بها فالجبالي

لو حدد الجرح اخاويه=لكن ياهمالالي

[رائد العالي]

اللي معه راحله=العد ماراح له
صلى وهو مايصوم=البيت والباب لي
يالحصن البابلي=ماقدر الله يصير



بيتي على عز بانيه=ماهوب جرفً هيالي
الجرح يلقى مداويه=والضيف يلقى الدلالي

[محـمد بن مـوسم]

الله الله

صح لسانك يا بدر السحيمي

وصح لسانك يا رائد العالي

واصلوا الله يقويكم على المحراف الطيب

[خالد الصليمي]

حياكم الله ياشعارنا صح لسانك يابدر وصح لسانك يارايد والدعوه فيها مشروع والله العالم مساهمه وتراني معلق المشعاب هههههههههههه

لكم أجمل تحيه وللأخوان جميعا
أحبكم في الله

[رائد العالي]

ابو عبد الله صح بدنك ولاهنت يالغالي

[رائد العالي]

ابو محمد صح بدنك ومن البارح ننتظرك تمسك الصف ماعينناك هههههههههه

[بدر السحيمي]

اللي معه راحله=العد ماراح له
صلى وهو مايصوم=البيت والباب لي
يالحصن البابلي=ماقدر الله يصير



بيتي على عز بانيه=ماهوب جرفً هيالي
الجرح يلقى مداويه=والضيف يلقى الدلالي



رايد رسم له مسار=بكره يجي علم سار
مدام يرقى الرجوم=مير السلف كم سار
لوكان فيهم سمسار =ماقدر الله يكون



جيد ولا ماتمشيه=رابي مع قوم احتيالي

اخوك لازم تجاريه=وان صار جاها الزوالي

[رائد العالي]

لو تشتهر بالدها=الطيبه بدها
دنياك لاهل العزوم=وان كان لابدها
تراك من بدها=ماقدر الله يكون


بين الرضا والمشاريه=وامثالنا مايُنَالي
لاوالله الشين نرميه=والمال مالك ومالي

[بدر السحيمي]

لوكنت شاعر وطن= حملك بكيلو وطن

اثرك تعرف تعوم=الرمح اصابك وطن

انظر قدم لاوطن= ماقدر الله يصير



دايم غروره مغويه=واليا قربته يالالي

ياكثر هرج(ن) بنوحيه=هذا جناحك محالي

[رائد العالي]

يابدر لولا ولا=تخضع وتعلن ولا
من قو ضرب السهوم=ومن البدايه والى
ماجيت غير اولا=ماقدر الله يكون



بدر عسى الله يعافيه=يرمي خلاف الظلالي
نور القمر من يطفيه=والطيب فالك وفالي

[رائد العالي]

بيض الله وجهك شاعرنا المبدع بدر السحيمي واللهم لك الحمد على سلامتي هههههه


الشهاده فيك مجروحه يالغالي وان شاالله لنا لقاء في محاورات جديده قريب بأمر الله


والشكر الجزيل لك اخوي بدر ولكل من تابعنا

[بدر السحيمي]

ووجهك طال عمرك

لاوالله انا احمد الله على السلامه

شهادتك وسام على الصدر

على خير انشاءالله