ياسلامي على المنتدى المعتبر ... الليل ياشعار

[بتاال الرشيدي]

السلام عليكم

الليل ياشعار



ياسلامي على المنتدى المعتبر ....فيه ذوق وعبر .... فيه شعرن جزيل = ردتن يطنخ الراس طاروقها .. ردتن يطنخ الراس طاروقها
دام انا جيت شاعر هنا ماعلي .... وابو طالب علي ... حد سيفه صقيل = وين شعاركم واحتمى سوقها.... وين شعاركم واحتمى سوقها

[رائد العالي]

وعليكم السلام هلا بك يابتال واستلم لاهنت:-




مرحبا والله يحيي اللي حظر..يابعيد النظر..مانمد القليل=والمخايل عسى الخير ببروقها...والمخايل عسى الخير ببروقها
يالرشيدي لك انته نوايا ولي..مير ربك ولي..جعل عندك حصيل=والدنانير في وسط صندوقها..والدنانير في وسط صندوقها

[بتاال الرشيدي]

الله البقا بك يارائد

وانا توني اشوف ردك اذا انت موجود ؟



البقا بك وانا وانت وسط الطريق ...جعل راسك عريق ... ان نوينا الرحيل = خوتي ياهل الشان مابوقها ... خوتي ياهل الشان مابوقها
قالو اسليم في جده اهضابها... سالت اشعابها .. يوم سال المسيل = راحت اسليم بالسيل مع نوقها ... راحت اسليم بالسيل مع نوقها

[رائد العالي]

العذر والسموحه ياخوي بتال والله أني ماأخرني غير ظرف طارى الله يكافي من هالدنيا
ومارديت الا حشمة لك واستلم

كل حاجه يابتال والها ثمن..مير تال الزمن..خالف الجيل جيل ___ ليت بتال ذويق ويذوقها..ليت بتال ذويق ويذوقها

القضا والله اللي يريده يصير .. والنشاما بخير ..عقب ذاك المخيل ___ أزمة يالله الستر من عوقها...أزمة يالله الستر من عوقها

[خالد الصليمي]

حياك الله ياأخي بتال الرشيدي وصح لسانك مبدأ رائع ولحن كايف
حياك الله ياأخي رايد العالي وصح لسانك رد وافي ما فيه كلام والصف صفك ولا يهون بتال
متابع لكم بعمق الله يعطيكم العافيه

أحبكم في الله

[بتاال الرشيدي]

طيب طيب

الله يعز مقدارك يا اخ رائد ولاهنت على الرد

شاعر تشرفنا بمجاراته

لكن انا ودي ان الطاروق يكون مباشر يعني متواجدين
وان شاء الله الجايات اكثر

لاهنت ودمت

[بتاال الرشيدي]

البقا ياخالد وماعليك زود
ولاهنت على التعليق

واحبك الله وخلقه

[رائد العالي]

بيض الله وجهك يابتال ولنا لقاء ان شالله عما قريب

[محـمد بن مـوسم]

صح الله السنتكم

طاروق رائع ومميز

مبدعيين ولا فيكم حيله