الله لو الضيق يشرى وينباع

[رائد العالي]

الله لو الضيق يشرى وينباع=كان ادفع الاموال واشري نصيبك



ويكون همك داخلي بين الاضلاع=ماهمني أحزان دامي حبيبك



وانت ابتسم واترك معي كل الاوجاع=يكفي من الدنيا بأني قريبك



يامرحبا بالضيق في كل الاوضاع=لكن بشرط...يصيبني مايصيبك



مير الزمن ماطاع والضيق ماطاع=لكن تدري مقصده وش يبي بك؟



يغار مني في هوى الزين طماع=وان قاله المعبود مايهتني بك



مير اقهره وان جاك دوسه على القاع=مايستوي قرب الحبيب وحريبك



يامن جمعت الزين من كل الانواع=من روعتك حتى القمر يقتدي بك



حتى خفوقي لا ذكر ضحكتك ماع=يضمى عليك ولن ضمي يرتوي بك



عيبك لو اني غبت لحظات ترتاع=يازين منطوقك ويازين عيبك





واخر كلامي سر لابد ينذاع=اللي طرحني في محبتك طيبك

[ابوواسم]

الله لا يجيب ظيق وهم , , , ترا الهم والغم من جنود الله
قصيدة متميزة . . . .من متميز
تقبل مروري

[رائد العالي]

الله لا يجيب الهم والضيق ويحفظنا ويحفظك يالغالي

[سراج الجعيد]

الله الله
صح لساااااااااااااااااانك يابو سعد لين ترضى قصيده جميله من شاعر اجمل

شكري وتقديري لك تقبل مروري

[رائد العالي]

ياهلا يامرحبا اخوي سراج الأجمل هو حضورك يالغالي لاعدمتك وصح بدنك وماعليك زود

[خالد العالي]

والله لو عندي وسام للبداع لهديك كل الاوسمه وحتفيبك

مبدع ياخي رائد وسر للامام

[رائد العالي]

خالد الله يطول عمرك وسامي هو إعجابك يالغالي ومشكور على الكلام الطيب

[فهيد الرويس]

صح لسانك

وعتلاشانك

يارايد

تحيتي وتقديري

[رائد العالي]

صح بدنك فهيد لاعدمتك يالغالي

[نواف الشلاحي]

يامرحبا بالضيق في كل الاوضـاع
لكـن بشرط...يصيبنـي مايصيبـك

الله يارائد العالي

راااااائعه الله يقويك ههههههههههههههه
صح لسانك مليون

[رائد العالي]

ههههه لاهنت يالشلاحي


صح بدنك يالغالي ولا عاد تطول الغيبه عنا

[زيد الزلامي]

الله لو الضيق يشرى وينباع 000000
صح لسانك اخوي رايد قصيده ابداع وليس غريب كليك الابداع سرللامام وننتظر جديدك ياالغالي

[رائد العالي]

هلا وغلا بالشاعر الكبير زيد الزلامي
الله يحييك يالغالي ويعلم الله ان تواجدك وقراءتك لقصيدتي يشرفني كثيراً

صح بندك

[موضي السنافية]

واخر كلامـي سـر لابـد ينـذاع
اللي طرحني فـي محبتـك طيبـك


ابداع قصيدة جدا راقت لي صح لسانك وصح فكرك ,,,قلم متالق ,,


تحياتي السنافية

[ابومشعل]

بيض الله وجهك يابوسعد

والله لايهينك وماهي غريبه

عليك والظاهر قلبك خضر

هههههههه

[رائد العالي]

صح بدنك السنافيه وحياك الله

[رائد العالي]

هلا يالله حي ابو مشعل

صح بدنك يالغالي لاعدمتك


ايه القصيده ايام الربيع ههههههههههههه

[طلال المعبدي]

يامرحـبـا بالضـيـق فــي كــل الاوضـــاع=لـــكـــن بشـرط...يـصـيـبـنـي مـايـصـيـبــك
ميـر الـزمـن مـاطـاع والضـيـق مـاطـاع=لـكــن تـــدري مـقـصـده وش يــبــي بــــك؟
يـغــار مـنــي فـــي هـــوى الـزيــن طـمــاع=وان قـــالــــه الــمــعــبــود مـايـهــتــنــي بــــــــك

ههههههههه كفو عز الله هذي التضحية


واخــــــر كـــلامـــي ســـــــر لابـــــــد يـــنــــذاع=الــلــي طـرحـنــي فـــــي مـحـبـتــك طـيــبــك


رائد العالي

جزل
بمعنى الكلمة

صح الله لسانك وسلمت يمناك

تحياتي