كيف الصرفة

[عبد الرحمن سند]

يقول صاحبي ..في يوم وقبل أن نعرف مطاعم المندي الجاهزة للبيع
وفي حدود الساعة الثانيه عشر وثلث تقريبا أتصلت عليّ الهانم على عملي ..
- أبو فلان ..
- نعم ..خير فيه شيء ..؟
- أيه .. أبوي ..
- ويش فيه .. عسى ما شر ..
- أبد . بس كاهو بالمجلس ..توه اللي جاء من القريه
هذي والله الحوسة ..الدنيا ظهر هالحين ..والماقفة ..بعيده .. ولو رحنا وخذينا خروف ووديناه للطباخ ..يمكن بعيد العصر يا دوب نتغدى .
ردت الهانم ..
- هاه ويش الدبره .؟
- أبد ..خرجي من لحم الثلاجة وسوي الغداء اللي يحبه أبوك . وأنا جاي راح أجيب معي المتيسر من الكماليات .
دخلت البيت ومعي حبحب وفاكة ولبن وخلافة .
حطيت الأغراض بالمطبخ بعد ما طبعت ..
وهلم على " عمي يا مال ....
- " هلا والله وغلا ..
جات القهوة وجاء بعدها الشاي ..وعمي يجر بغليونه التنباك
بعد ساعة ساعة ونصف .تم يا عمي ..حياك على الفال ويقفاه العقال ..
ســفره جاهزه من خيرات ربي ..رز ولحم ولبن وفاكهة ..
ناظر عمي بالسفر واللي عليها ..وزم شفتيه وقطب جبينه . وناظرني بنص عين
وقال :
- أنا..أنا أبو " فلان " تقلطني على لحم ثلاجة ..لحم " مكسر " .. لحم بارد .. يا بارد
ما تستحي . ما تقدر قيمتي . يا عيباه ...
وهاتك يا توبيخ وتحطيم وأنا ساكت ومبجوم ..وبنته ما هي بعيده عني في دهشتها من تصرف والدها الأهوج ..
قلت ..يا عمي الله يهداك . أنت جيت بوقت حرج ..ومقدارك وقيمتك أبشر بها الليلة ..ولا يكون خاطرك ألا مثل العسل ..
وأنت سـتر وغطاء لي وعليّ..
رد وقال الأ قل مثل البصل يا " ..... " !!
يا سبحان الله ..هالحين أنا صرت في نظرك " ..... " .
وخرج وسفرتي جلست للعشاء على حالها كما هي علية ..

تلك النظره الدونيه لأكلة لم تكن على هواه والغضب لوليمة لم تحدث بسبب ظروف خارجه عن الإرادة من بعض الشياب ..
كيف نقضي عليها ... ؟؟!!
بن ســـــــند 07/04/1431هـ

[يحي الحوباني]

والله بدون اي مجاملة يا رجال لو سواها معي راح اقله نفس الكلام انت جيت في وقت حرج واذا ما قدرني وقدر النعمة اللي قدامة فهذي مصيبة يعني ماله عقل مختل عقلياً

يبي ذبيحة وش الهياط ذا اللي ماله داعي والله عيب

طيب اذا ما عندي حق الذبيحة اروح اتسلف له عشان ياكل لقمتين من الذبيحة طيب والباقي وين اوديه ارميه بالزبالة وانتو بالكرامه يا رجال

الحمد لله والشكر لك يارب

وان شاء ما يعدي علينا ها الموقف يا رب

ولاني متزوج ولكن والله الشايب ذا قاهرني

مشكور اخوي على الموضوع وتقبل مروري يا غالي

[عبد الرحمن سند]

حياك وبياك يالذيب ... بس المشكل ..

إذا لزمك بحق وسلوم وعلوم ومتاهات الواحد

مو فاضي لها أسكته بخيال وبعدها يضف وجهة

شكراً من الاعمااااق

[اسامه عويض البقيلي]

والله البلشه ياعبد الرحمن :)

انا مستسلم

الموضوع شيق الله لا يحطنا في مثل هالموقف ولكني استمتعت برد الاخ يحيى:)

و راح اتابع ردود الاخوان للاحتياط :)اذا تم الوقوع في مثل هالمواقف الله لا يقوله

قول آمين

تقبل تحياتي وتقديري

[عبدالله الثقفي]

تصدق لو يصير علي هذا العلم

لااقوم بالعقاااااااال وامغطه تمغيط


































امزح لاتصدقون

[مسعد البقيلي]

هذا والله الاحراج

فيه سالفه بعد ماهي مباعدتها واحد كان يدرس بالجامعة في جده وتعرفون حالة الطلاب طفرانين يالله يلقون الفطور ويوم من الايام وان جايهم واحد من ربعهم من الديره فالعزبه اللي ساكنين فيها سلام سلم الله يالله حي فلان ويجيبون له غدا من المطعم دجاج ميسورهم لن كلهم طلاب طفرانين والمهم يوم قدموه للشايب مع المعذار توخر قال هذه واجبي عندكم وانا ابو فلان ؟؟؟ والله ماذوقه قالو عين خير يابن الحلال ونت خابر ضروف الطلاب المهم قام وروح . وفيه واحد منهم ذكي قام تبعه( لنه خابر ان مافيه احد م الجماعة غيرهم هنا) وانه يروح لمطعم ويطلب حبه مع الرز وهو يجي الولد ويحاسب عنه ويمره وهو يتغدا قال يابو فلان
تراني حاسبت عنك بعد كبيت الدجاج عندنا وطلبته فالمطعم

وسلمت ياعبدالرحمن على الموضوع الرااائع جدااا

[عبد الرحمن سند]

أسامة البقيلي الله يستر وترى الشياب بلشه

عبدالله الثقفي ساعتها الحق يكون حقين

مسعد ..طلع الولد ذكي ونبيه وأحرج الشايب

تسلموووون جميعاً على المرور الرائع

[رائد العالي]

يالربع هذا تكليف مهب تشريف
مفروض يرضى بالميسور وواجبه لن تيسر يبي ياخذه

سلمت ياعبد الرحمن وياكثر إنطباعات بعض الناس عن اللي مايضيفه بذبيحه

طيب الوقت يحكم مايقدرون هالشي؟