حبيب وعبدالله الميزاني

[سامي المدلشي]

بسم الله الرحمن الرحيم
السلام عليكم ورحمة الله وبركاته
بين عملاقيين من عمالقة الشعر عبدالله الميزاني وحبيب العازمي






مرحبا عند ربع تجزي الطيـب طيـب-----عـزوة تنطـح العـدوان وتصـدهـا
ياحبيب ترى راس الجبـل فيـه ذيـب------يا بناخي العـرب منتـى ولـد جدهـا


البقا مـن رجـال شمسهـم ماتغيـب-----كـل قومـن نوقفهـا عـنـد حـدهـا
ينزل اللي على راس الجبل في الشعي----بياخـوال بنيخيـهـا عـلـى قـدهـا


مايصيب الرجال الا الكـلام المصيـب----والعـرب ودهـا فيكـم ولا ودهــا
الحبال اربعه والدلـو وسـط القليـب----عدهـا لا تجيـك مطـيـر وتعـدهـا


ان بغيـت الحقيقـه ماعلينـا صعيـب----دمعة العيـن شرهتهـا علـى خدهـا
كـل دلـو عراقيهـا عليهـا صليـب-----هاتهـا يالمطيـري وودهــا ودهــا


يا ولد روق في الا يام مابـه غريـب----ليتها يـوم جاعـت مـا كلـت بدهـا
شاب راسك وعيا عارضك لا يشيـب----يـوم حديتهـا كيـف انثلـم حـدهـا


يدخل الشك في اللي فيه شـك وريـب----يعتـرض للقـرون المشـط ويكدهـا
يا صحيب من اول ماتغـش الصحيـب-----كـان مـا شيبـت لحيتـك لابـدهـا


لا تصلي صلاة العيـد قبـل الخطيـب------من بناهـا بسلـم النـاس مـا هدهـا
انت يا للي رقبت الناس فوقك رقيـب-----امـس سلفتـهـا والـيـوم ترتـدهـا


الخطيب اجودي واحيانا وجهه غضيب----التـوى باالمنـاره وانسـدح سـدهـا
مابقى في القدور البيض سمن وحليـب------يامعشـي ضيوفـك غـدهـا غـدهـا


يا عسى لك مع المطران حظ ونصيـب-----قبـل ترخـي حبـال العـز وتشدهـا
شاعر فيه عجبه يـا عجـب ياعجيـب------حـج مكـه وروحـك فدهـا فـدهـا


مايداوي الجروح الا عـلاج الطبيـب-------كـم نوتنـا رجـالا وبيحـت سدهـا
ان بغيت السلامه قلت شاعـر رهيـب--------وأن بغيـت الندامـه عدهـا عـدهـا


لو عرفنا الدوا مامات (صالح نجيـب)------يـوم عمدتـه الهجمـات مـا صدهـا
الله انه يعقل اللـي غـدا مـن ذهيـب--------يـا حبيـب يمينـك بالشحـم مـدهـا


كلها وحـده (جسـاس) وألا (كليـب)------المـهـم ان عيـنـه راح مـالـدهـا
الله انه يصب الحرب فـوق الحريـب-----لين ينسى السياسه والذكـاء والدهـاء