اليامتى

[فهيد الرويس]

ابيات وعضيه من باب التواصل عسى الله ان ينفع بها


وش يضمن انك من طويلين الاعمار=يالي تقول الياكبرنا نتوبي
هذي عباره دوم للعاصي اشعار=يوحي له ابليس العين الكذوبي
حتى على اثمه فيه يزداد الاصرار=ويشجعه على اقتراف الذنوبي
يقول مالك هم والرب غفار=اشرب خمر وازن وتعاط الحبوبي
واقطف ثمرماتشتهي قطف الازهار =ويمد يك تسلك صالحات الدروبي
يغفّلك و الموت مايعطي انذار= والياغدابك قال رح لشبوبي
هو مكسب له جيتك معه فالنار=هذا مصيره عنه ماله هروبي
ولا انت صدك عن مناهيج الاخيار=طعته ولاله فالمطاعه وجوبي
زرعت واجن اليوم منتوج الاثمار=ماتنفعك قولتك لو عودوبي
لدار الاولى لاجل فالخيره اختار=ويقال قد جتك النذر بالخطوبي
عما البصيره مايقديه ال ابصّار=وسبحان من بيده صلاح القلوبي
يالله ياللي بامرك الفلك يندار=انت إلذي تعلم جميع الغيوبي
وفقني ال خشيتك في سر وجهار=والطف بحالي في اشتداد الكروبي
لا قفيت من داري وحليت في دار=في منزل مساحته دوب دوبي
طولي وعرضه مايجي خمسة اشبار=بطن اللحد سكر عليه بطوبي
من عقب بيت لي منازيله كبار=والنور يدخل فيه من كل صوبي
حطيت لي في ماقعٍٍ مابه انوار=وسطه ملائكة العمل ضيقوبي
يارب ثبتني الياصار ماصار=في ساعةٍ فيها تراعد جنوبي
عن كاهلي خفف ثقيلات الاوزار=واعف وتسامح يالولي عن ذنوبي

[محـمد بن مـوسم]

صح لسانك يا فهيد

قصيدة رائعه من شاعر رائع

ابطيت علينا لك فتره

تقبل تحياتي

[فهيد الرويس]

الاروع تواجدك

ياخوي محمد

اي والله اني مقصر لكن المعذره يالغالي ويحقلكم التشره لكن لوغبنا انتم على البال دائما

وصح بدنك

تقبل اطيب تحيه

[رائد العالي]

الله يافهيد الله

غبت وعدت لنا برائعه من روائع الشعر

صح لسانك يالغالي قصيده راااااااااااائعه وصدقت في كل ماقلت

الله يرحمنا برحمته والله يزرقنا التوبه النصوح قبل الموت

تقييم وشكر وتقدير

دمت بخير

[فهيد الرويس]

صح بدنك

يارايد

والاروع تواجدك لاعدمتك

ومشكورعلى الحضور والتقييم

تحيتي وتقديري

[عايض الزراقي]

صح لسانك يافهيد تقيل مرووري

[ابووليد]

صح بدنك اخي فهيد الرويس واشكرك على القصيده الرائعه