ترى الزمن سيف على الناس مجرود

[ابووليد]

السلام عليكم اعضاء منتدانا الغالي حبيت اطرح لكم قصيدتي هذه اتمنى ان تحوز على رضاكم
ماكل ماتبغاه تلقاه موجود
كــــم واحد دورلها ماوجدها

ترجع من الطرقه وخاطرك ملهود
لـــــــــــو القدم بالدرب تبذل جهدها

لاصار دخلك مع هل الدخل محدود
تغثــــــــك الدنيا بكثرة نكدها

بيض الليالي ياولـــد تنقلب سود
تغثرب الايام صــــافي مددها

وانا ادري ان الوقت طارد ومطرود
عزاه ياعـــــــــين سهرها هجدها

عد الشقى مع ساير الوقت مورود
كم واحد من حر مـــابه وردها

ترى الزمن سيف على الناس مجرود
مادام روحك بـــاقيه في جسدها

لاصار باقيلك من العمر مجهود
صل الصـــــلاة الواجبه في وعدها

لاتحسبن ايامها سهود ومهود
كم واحد روحـــه بلحظه فقدها

والخاتمه ياهيه في قبر ملحود
ماعاد ندري كـــــم بقي من عددها

تروح لوطيبك مع الناس مشهود
اللي ذكر سيرتك واللي جحدها

لكن عساها خاتمة خير ياحمود
لحولت روحــــي بداخل لحدهاخوكم شاعر سويلم الحربي

[بدويه بنت بدوي]

صح لسانك و لا هنت

تحياتي لك,,,

[محـمد بن مـوسم]

صح لسانك يا ابو وليد

والله لا يهينك علي الابداع المتواصل

تقبل احترامي

[ابووليد]

شكر على مرور الرئع اخت بنت بدوي والله يعطيكي العافيه

[مشعل المعبدي]

صح لسااااااااااااااااااااانك

[رائد العالي]

لاصار باقيلك من العمر مجهود
صل الصـــــلاة الواجبه في وعدها

نعم الوصيه يابو وليد

صح لسانك وبيض الله وجهك

[ابووليد]

صح بدنك ياخوي مشعال الحربي والله يعط يك العافيه مع تحيات اخوك سويلم الحربي

[ابووليد]

صح دنك ياخوي رائد العالي والله يعطيك العافيه